मानवसेवा आश्रम धनगढीबाट बैतडी घर भएकी एक महिला बेपत्ता

प्रदेश समाचार

Home
प्रदेश समाचार
मानवसेवा आश्रम धनगढीबाट बैतडी घर भएकी एक महिला बेपत्ता

मानवसेवा आश्रम धनगढीबाट बैतडी घर भएकी एक महिला बेपत्ता

बैतडी,
मानवसेवा आश्रम धनगढीबाट एक महिला बेपत्ता भएकी छन् । मानसिक सन्तुलन गुमाएकी पञ्चेश्वर गाउँपालिका ४ बस्दै आएकी चम्भा चन्दलाई गत जेठ ७ गते मानवसेवा आश्रम धनगढीमा राखिएको थियो । तर यहि असार १५ गते आश्रमस्थलबाट बेपत्ता भएकी हुन् । यसरी जेठ १५ गते बेपत्ता भएको भनिएपनि मानव सेवा आश्रमले आफन्तहरुलाई भने असार ५ गतेमात्रै जानकारी गराएको पाइएको छ ।
‘हामिलाई बेपत्ता भएको जानकारी गराइएन, असार ५ गते हामि मेट्न गएकाले मात्रै हराएको भनेर भनियो,’ बेपत्ता भएकी चन्दका भाई गम्भिर चन्दले भने ‘प्रहरीलाई समेत जानकारी नगराएको रहेछ, हामिलाई पूर्ण संका लाग्यो,’ उनले भने ।
मानव सेवा आश्रमले मानिस हराएको जस्तो गम्भिर विषयमा लापरवाही गरेको आफन्तको आरोप छ । प्रहरीमा हराएपछि जानकारी नगराएको पुष्टि भएको आफन्त चन्दले बताए । ‘हामिले प्रहरीमा पनि बुझ्यौँ, तर प्रहरीमा जानकारी नरहेछ,’ उनले भने ।
चम्भा चन्द बिगत १६ वर्षदेखि मानसिक सन्तुलन गुमाएकी हुन् । उनको घर भारत भएपनि मानसिक सन्तुलन बिग्रिएपछि उनि एक छोरा र एक छोरीसहित माइत पञ्चेश्वर ४ मै बस्दै आएका थिइन् । मानसिक अवस्था ठिक नभएकै कारण पालिकाको समन्वयमा मानव सेवा आश्रममा पठाइएको थियो ।
पञ्चेश्वर गाउँपालिकाका उपाध्यक्ष बिना भट्टका अनुसार सेवा आश्रमबाट एक्कासी बेपत्ता भएको खबर आएको र खोज उद्दारको लागि प्रहरी र सेवा केन्द्रसँग पनि समन्वय भइरहेको छ ।

प्रकाशित मिति: शुक्रबार, असार २२, २०८० २०:३९

प्रतिक्रिया दिनुहोस्