सिगासमा देखिएको अबरोध हटाउन जिल्ला प्रशासनलाई गाउँपालिकाको पत्र

प्रदेश समाचार

Home
प्रदेश समाचार
सिगासमा देखिएको अबरोध हटाउन जिल्ला प्रशासनलाई गाउँपालिकाको पत्र

सिगासमा देखिएको अबरोध हटाउन जिल्ला प्रशासनलाई गाउँपालिकाको पत्र मंगलबारको कार्यपालिकाबाटै भएको थियो निर्णय

बैतडी,
बैतडीको सिगास गाउँपालिकाले जिल्ला प्रशासन कार्यालय समक्ष सिगासमा देखिएको अबरोध हटाउन आग्रह गरेको छ । दुदीलाखान देखि गाजरी जोड्ने सडक अबरुद्ध पारेको भन्दै आवश्यक प्रक्रिया अपनाई सडक अबरोद्ध हटाउन आग्रह गरेको हो । मंगलबार बसेको कार्यपालिकाको बैठक बाटै यो निर्णय भएको बताइएको छ ।

सो पत्र जिल्ला प्रशासन कार्यालयमा पुगिसकेको छ । यस विषयमा जिल्ला प्रशासन कार्यालयले आवश्यक समन्वय गरिरहेको छ ।

प्रमुख जिल्ला अधिकारी भिमकान्त शर्माले बन्दकर्ताहरुसँग फोन मार्फत वा प्रतक्ष भेटेरै भएपनि समन्वय गरिने जानकारी दिए ।

गाउँपालिका अध्यक्ष हरि सिंह धामीका अनुसार गाउँपालिकाले सडक सञ्जाल जोड्नको लागि बेला बेला प्रयास गरिएको तर स्थानीयहरुको विवादका कारण सडक अघि बढाउन नसकिएको बताए । कुर्चेनेटाबाट सडक सञ्जाल जोड्नको लागि पटकपटक प्रयास भएको तर स्थानीयहरुबीचको विवादका कारण सडक अघि बढाउन नसकिएको गाउँपालिका अध्यक्ष धामीले प्रष्ट पारे ।

पटक पटक सडक निर्माणन गर्ने विषयमा गाउँपालिकाले पहल चालेको तर मुद्धा मामिला लगायतका अबरोधहरु सिर्जना भएको गाउँपालिका अध्यक्ष धामीको भनाइ छ ।

यसैगरी जिल्लास्तरमा पनि माथिल्लो सडक पालिकाले काट्ने र तल्लो सडक प्रदेश सरकारले काट्ने विषयमा निर्णय भएको समेत अध्यक्ष धामीले बताए । तर सडक काट्नको लागि स्थानीयहरुले अवरोध गरेका कारण सडक निर्माण अघि बढाउन नसकिएको उनले बताए ।

सुरुमा कुर्चीनेटादेखि पालिकाको केन्द्र जोड्ने सडक काट्नको लागि बजेट बिनियोजन गरेको भएपनि स्थानीयहरुले बिरोध गरेका कारण सडक अघि बढेको थिएन ।

प्रकाशित मिति: शुक्रबार, फागुन १८, २०८० १९:५७

प्रतिक्रिया दिनुहोस्