बैतडीको दुदीलाखन–गाँजरी सडक २० दिनपछि खुल्यो

प्रदेश समाचार

Home
प्रदेश समाचार
बैतडीको दुदीलाखन–गाँजरी सडक २० दिनपछि खुल्यो

बैतडीको दुदीलाखन–गाँजरी सडक २० दिनपछि खुल्यो

बैतडी,

बैतडीको सिगास गाउँपालिका १ को दुदीलाखान देखि गाजरी जोड्ने सडक २० दिपछि खुलेको छ । सोमबार जिल्लाको पाटनमा भएको सर्बपक्षिय छलफलबाट सडक खोल्ने सहमती भएको हो ।

वडा नं १ र २ बाट गाउँपालिकाको केन्द्र जोड्ने कुर्चीनेटादेखि गर्जे जोड्ने सडक अघि बढाउन मागगर्दै यही फागुन ८ गतेदेखि यहाँको संघर्ष समितिले सडक बन्द गरेको थियो ।

वडा न. १ र २ बाट गाउँपालिकाको केन्द्र जोड्ने दुवै सडक अघि बढाउनुपर्ने विषयमा सर्वपक्षिय सहमती भएपछि सडक खुलेको दुदीलाखान–कुर्चीनेटा–गर्जे सडक संघर्ष समितिका संयोजक पवन चन्दले जानकारी दिए ।

जिल्लाको प्राविधिक टोलीले स्थलगत अनुगमन गर्ने पनि सहमती भएको छ । यसैगरी छलफलमा सहभागि नेपाल सरकारका उद्योग, वाणिज्य तथा आपूर्ती मन्त्री दामोदर भण्डारी र प्रदेशसभा सदस्य सुरेन्द्र पालले दुवै सडक अघि बढाउनुपर्नेमा जोड दिएको संघर्ष समिति संयोजक चन्द बताउछन् ।

कुर्चीनेटादेखि गर्जे जोड्ने सडक पालिकाले अघि बढाउनुपर्ने र धौलाडी हुदै गर्जे जोड्ने सडक प्रदेश सरकारको बजेटबाट अघि बढाइने सहमती भएको बताइएको छ ।

त्यसअघि पुष२० गते भएको सहमती कार्यान्वयन नगरेको भन्दै फागुन ८ गतेदेखि सडक बन्द गरिएको थियो ।

प्रकाशित मिति: मंगलबार, फागुन २९, २०८० ११:०४

प्रतिक्रिया दिनुहोस्