पिपिएल–४मा रिभरसाइडको सान्त्वना जित

प्रदेश समाचार

Home
प्रदेश समाचार
पिपिएल–४मा रिभरसाइडको सान्त्वना जित

पिपिएल–४मा रिभरसाइडको सान्त्वना जित

बैतडी,
बैतडीको पाटनमा जारी चौथो संस्करणको पिपिएल प्रतियोगितामा रिभरसाईड युवा क्लबले सान्त्वना जीत दर्ता गरेको छ । आज भएको खेलमा दिपचन क्रिकेट क्लबलाई ९६ रनले पराजित गरेको हो । यस समुहबाट कुलगडे क्रिकेट क्लब सुपर सिक्समा गइसकेको छ । यो रिभरसाइडको सान्त्वना जित हो ।
रिभरसाईडले दिएको २२५ रनको लक्ष पछ्याएको दिपचन १९.४ बलमा १२८ रनमा अलआउट भयो । दिपचनका लागि सुमित चन्दले ३० रन बनाएका थिए । रिभरसाईडका कप्तान समेत रहेका हरिश केसी र मुकेस थापाले समान दुईदुई विकेट लिए ।
यसअघि टस हारेर पहिला ब्याटिङको निम्तो पाएको रिभरसाईडले निर्धारित २० ओभरमा ८ विकेट गुमाएर २२४ रन बनाएको थियो । रिभरसाईडका कमल बुढाले ५१ रनको अर्धसतकीय पारी खेलेका थिए । अंशु बुडालले ४० तथा सुरज रानाले २८ रन बनाएका थिए । दिपचनका पारस चन्दले ४ तथा मनोज नायकले २ र सुमित चन्दले १ विकेट लिएका थिए ।