घामको भरमा चलेको सिगास–१को टेलिकमको टावरः विद्युत जडान गर्न माग

प्रदेश समाचार

Home
प्रदेश समाचार
घामको भरमा चलेको सिगास–१को टेलिकमको टावरः विद्युत जडान गर्न माग

घामको भरमा चलेको सिगास–१को टेलिकमको टावरः विद्युत जडान गर्न माग सानो लगानीमा पनि उक्त टावरमा विद्युत पु¥याउन सकिने छ । पालिकाले विद्युत जडान गरिदिएमा टावरमा जडान सहजै गर्न सकिने टेलिकम डडेल्धुराले जनाएको छ । पालिकाले नै विदुत जडानमा लगानी गर्नुपर्ने देखिएको छ ।

कृष्ण बिष्ट बिहीबार, कात्तिक १५, २०८१

तस्बिर सौजन्यः सुरज

बैतडी,
बैतडीको सिगास गाउँपालिका–१जुकेपानीमा रहेको नेपाल टेलिकमको टावरमा विद्युत जडानको लागि माग गरिएको छ । त्यहाका स्थानीयहरुले गत सोमबार वडा नं २को कार्यालयमा ज्ञापनपत्र पेश गरेका हुन् ।
सोमबार वडा नं १ र २ का स्थानीयहरुले गाउँपालिकाको तर्फबाट विद्युत जडानको लागि आवश्यक पहलको माग गर्दै वडा नं २ का वडा अध्यक्ष ठगेन्द्र सिंह ऐर समक्ष ज्ञापनपत्र पेश गरेका हुन् ।
नेपाल टेलिकमको टावरसम्म विद्युत जडानको लागि पहल गरिदिन माग गर्दै वडा नं १ र २ का स्थानीयहरुको तर्फबाट ज्ञापनपत्र पेश गरिएको स्थानीय सुर्य बहादुर बोहराले जानकारी दिए । दुवै वडाका ८२ जनाको हस्ताक्षरसहित ज्ञापनपत्र पेश गरिएको उनले बताए ।
ज्ञापनपत्र बुझ्दै वडा नं २ का वडा अध्यक्ष ऐरले टेलिकमको टावरसम्म विद्युत जडानको लागि पालिकाले पहल गरिरहेको अवगत गराएका थिए । विद्युत वितरण केन्द्र र नेपाल टेलिकमले चासो दिनुपर्ने उनको भनाइ छ ।
नेपाल टेलिकम र विद्युत वितरण केन्द्रबीच आपसी समन्वय र सहमती नहुदा विद्युत जडानको लागि उल्झन आएको वडा नं १ का वडा अध्यक्ष रामचन्द्र ऐरले बताए । करिब ८ सय मिटरको दुरीमा तार तान्नु पर्ने र यसका लागि गाउँपालिकाको तर्फबाट सहयोग गर्न तयार रहेको उनको भनाइ छ ।
वडा नं १ रहेको नेपाल टेलिकको टावरले सिगास गाउँपालिकाको वडा नं १,२,३ र ४ तथा पाटन नगरपालिका ८ र १० लगायतका क्षेत्रमा काम गर्ने गरेको छ । तर उक्त टेलिकमको टावर सोलारको माध्यमबाट सञ्चालन हुने गरेकाले घाम रहुन्जेलसम्म मात्रै टावरले काम गर्ने गरेको छ । साँझ परेपछि बिहान १० बजेसम्म टावरले काम नगर्ने गरेको सिगास १ का स्थानीय जनक चर्मकारले जानकारी दिए । साँझ घाम अस्ताएपछि नेटवर्कले काम नगर्ने गरेको उनले बताए ।
गाउँपालिकाको तर्फबाट विद्युत जडान हुन अवस्था रहेमा टावरको लागि विद्युत जडान गर्न सकिने नेपाल टेलिकमको कार्यालयका प्रमुख बिष्णु भण्डारीले जानकारी दिए । ‘टावर भएसम्म गाउँपालिकाले विद्युत गर्न सकेमा हामि विद्युत जडान गरिदिन तयार छौँ,’ भण्डारीले भने ।
यता विद्युत वितरण केन्द्र बैतडीका प्रमुख जनार्दन पौडेलले विद्युत जडानको लागि कुनै निकायबाट समन्वय नभएको बताए । कुनै निकायबाट विद्युत जडानको लागि आग्रह नभएकाले तत्कालै विद्युत जाडनको लागि प्रक्रिया अघि नबढ्ने बताए ।्
गाउँपालिकाले नै सानो लगानी गरेको अवस्थामा विद्युत पुग्ने भएकाल त्यसतर्फ ध्यान दिनुपर्ने स्थानीयहरुको माग रहेको छ ।

प्रकाशित मिति: बिहीबार, कात्तिक १५, २०८१ १७:१७

प्रतिक्रिया दिनुहोस्