जिल्ला प्रशासन, मेलौलीका तत्कालिन मेयर, केहि जनप्रतिनिधि र कर्मचारीका नाममा कारण देखाउ आदेश

प्रदेश समाचार

Home
प्रदेश समाचार
जिल्ला प्रशासन, मेलौलीका तत्कालिन मेयर, केहि जनप्रतिनिधि र कर्मचारीका नाममा कारण देखाउ आदेश

जिल्ला प्रशासन, मेलौलीका तत्कालिन मेयर, केहि जनप्रतिनिधि र कर्मचारीका नाममा कारण देखाउ आदेश

जिल्ला प्रशासन कार्यालय, मेलौली नगरपालिका, निवर्तमान नगर प्रमुख, वडा नं २ को वडा कार्यालय, जनप्रतिनिधि र कर्मचारीका नाममा १५ दिने कारण देखाउ आदेश जारी गरिएको छ ।
उच्च अदालत दिपायल महेन्द्रनगर इजलाशका न्यायाधीश राजेन्द्र सुबेदीको एकाल इजलासले कारण देखाउ आदेश जारी गरेको हो ।
जिल्ला प्रशासन कार्यालय बैतडी, मेलौली नगरपालिका, मेलौली नगरपालिकाका निवर्तमान नगर प्रमुख कृष्ण सिंह नायक, वडा नं २ को कार्यालय, तत्कालिन वडा नं २ का वडा अध्यक्ष महेन्द्र बहादुर चन्द, मेलौली नगरपालिकाका तत्कालिन सूचना अधिकारी द्वय चक्रमणी जोशी र काली प्रशाद भट्टका नाममा कारण देखाउ आदेश जारी गरिएको हो ।
पहिरो प्रभावितलाई राहात उपलब्ध नगराएको, कागजात हराएको र झुटो जानकारी दिएको भन्दै उच्च अदालत दिपायलले १५ दिने कारण देखाउ आदेश जारी गरेको हो ।
पहिरो पिडित परिवारले वडा कार्यालयमा क्षतीपुर्तीको माग गर्दै पेश गरेको मुचुल्का सहितको निवेदन गायव पारी पिडित परिवारलाई राहात नदिएपछि अधिवक्ता दिपेन्द्र चन्द सहित पहिरो पिडित परिवारले उच्च अदालत दिपायल महेन्द्र नगरमा रिट दायर गरेका थिए ।
२०७६ सालमा वर्षादका कारण मेलौली २ का अपाङ्गद्वय खडक बहादुर चन्द र राम बहादुर चन्दको घरमा परिहरोले क्षती पु¥याएको थियो । पहिरो पिडित परिवारले प्रहरीको मुचुल्का, पहिरोले क्षती पुर्याएको देखिने तस्बिर र राहात उपलब्ध गराई पाऊ भन्दै वडा कार्यालयमा निवेदन दिएका थिए । वडा कार्यालयले क्षतीपुर्तीको लागि नगरपालिकाको कार्यालयमा पहिरो पिडित निवेदकले वडा कार्यालयमा बुझाएको विवरण नगर पालिकामा बुझाएको बताएको थियो । तर नगरपालिकाले भने वडा कार्यालयले कुनै विवरण नबुझाएको बताएको थियो ।
नगरपालिकाले वडा कार्यालयबाट कुनै विवरण नआएको बताउने गरेको र वडा कार्यालयले नगरपालिकामा बुझाएको दाबी गर्ने गरेपछि पिडित परिवारले जिल्ला प्रसासन कार्यालयमा समेत निवेदन दिएका थिए । कागजात गायव पार्ने वा झुटो सुचना दिने व्यक्ती पत्ता लगाई उनिहरुलाई कार्वाही गर्न र पिडितलाई क्षतीपुर्तीको मागसहिथ प्रमुख जिल्ला अधिकारीलाई निवेदन दिएका थिए ।
जिल्ला प्रसासन कार्यालयबाट पनि कुनै प्रक्रिया अघि नबढेपछि हेलो सरकारमा समेत उजुरी दिएका थिए । हेलो सरकारले पनि जिल्ला प्रसासन कार्यालय र तत्कालिन नगर प्रमुख कृष्ण सिंह नायकलाई उक्त गुनासो उपर कारवाही अगाडी बढाउन भनेपछि प्रक्रियाको चरणमा रहेको बताइएको थियो ।
तर कुनै प्रक्रिया अघि बढ्न नसेकपछि पिडित परिवार र अधिवक्ता दिपेन्द्र बहादुर चन्दले उच्च अदालत दिपायल महेन्द्रनगरमा मुद्धा दायर गरेका थिए । आज कारण देखाउ आदेश जारी भइसकेको छ । अब १५ दिनभित्र कारण पेश गर्नुपर्ने छ ।

प्रकाशित मिति: शुक्रबार, भदौ ३१, २०७९ २०:०६

प्रतिक्रिया दिनुहोस्