बैतडीको सुर्नया ६को शंकर संस्कृति माविमा पनि खेताला शिक्षक राखेको गुनासो, विद्यालयमा पत्राचार

प्रदेश समाचार

Home
प्रदेश समाचार
बैतडीको सुर्नया ६को शंकर संस्कृति माविमा पनि खेताला शिक्षक राखेको गुनासो, विद्यालयमा पत्राचार

बैतडीको सुर्नया ६को शंकर संस्कृति माविमा पनि खेताला शिक्षक राखेको गुनासो, विद्यालयमा पत्राचार

बैतडी,
बैतडीको सुर्नया गाउँपालिका ६मा रहेको शंकर संस्कृत माविमा पनि खेताला शिक्षक राखेको गुनासो बढेको छ । यस विषयमा गाउँपालिकाले उक्त विद्यालयमा पत्राचार गरेको समेत गाउँपालिकाको शिक्षा साखाले जनाएको छ ।
विद्यालयमा कार्यरत मान बहादुर कुवँर विगत केहि महिनादेखि हाजिर नभएको भन्ने जनगुनासो बढेकाले पत्राचार गरेको शिक्षा साखाले जनाएको छ । ‘जनगुनसो आएको हो, हामिले पत्राचार गरेका छौँ, ३ दिनभित्र त्यसको पूर्ण विवरण मागिएको छ, कैफियत देखिए नियमानुसार अघि बढ्नेछौँ,’ शिक्षा साखा प्रमुख टंक प्रशाद अवस्थीले भने, ‘पारीश्रमिक रोकेका छौँ,’ । यस बिषय
सुर्नया गाउँपालिका ७ मा रहेको केदार माविमा पनि खेताला शिक्षक राखेको बिषय बाहिरिएपछि मूल खटालीको विद्यालयमा पनि खेताला शिक्षक राखेको समाचार स्टार बुलेटिनमा प्रकाशित भएपछि, सुर्नया ६को शंकर संस्कृत माविमा पनि खेताला शिक्षक राखेको आरोप तथा गुनासो आएको थियो । त्यसपछि यस विषयमा गाउँपालिकामा बुझ्दा यस अघि नै विद्यालयमा पत्राचार गरीसकेको बताएको छ ।
यस बिषयमा शिक्षा विकास तथा समन्वय इकाई बैतडीका प्रमुख नरेन्द्र अवस्थीले पनि दुई वटै विद्यालयमा पत्राचार गरेको जानकारी आएको बताए ।
यता शंकर संस्कृत माविले गाउँपालिकाले पत्राचार गरेको जानकारी नआएको जनाएको छ । विद्यालयका प्रद्यानाध्यापक राम बहादुर बिष्टले विद्यालयमा यस सम्बन्धिको पत्र प्राप्त नभएको बताए ।

प्रकाशित मिति: बिहीबार, असोज ६, २०७९ १६:०४

प्रतिक्रिया दिनुहोस्