पि.पि.एल.मा आज पनि चार खेल सम्पन्नः मेलौली, जाडीकोट, खोडपे र पिसीसी पल्टन विजयी

प्रदेश समाचार

Home
प्रदेश समाचार
पि.पि.एल.मा आज पनि चार खेल सम्पन्नः मेलौली, जाडीकोट, खोडपे र पिसीसी पल्टन विजयी

पि.पि.एल.मा आज पनि चार खेल सम्पन्नः मेलौली, जाडीकोट, खोडपे र पिसीसी पल्टन विजयी

बैतडी,
बैतडीको पाटनमा जारी दोश्रो सस्करणको पाटन प्रिमियर लिगमा आज पनि चार खेल सम्पन्न भएका छन् ।
आज भएको पहिलो खेलमा मेलौली क्रिकेट क्लबले शाहिलेकलाई ५ विकेट हराएको छ । टस हारेर ब्याटिङको निम्तो पाएको शाहिलेकले निर्धारित १२ ओभरमा ९१ रन बनाएको थियो । शाहिलेकका हरिश कार्कीले ३१ रन बनाए । मेलौलीका रबिन चन्द, जयाराम भट्ट र भानदेव ओझाले दुुई दुई विकेट लिए ।
९२ रनको लक्ष पछ्याएको मेलौलीले ११.१ ओभरमा ५ विकेट गुमाएर लक्ष भेट्टाएको थियो । मेलौलीका बिरेन्द्र बिष्टले १७ बलमा ३८ रनको आक्रामक पारी खेलेका थिए । उनि नै म्यान अफ द म्याच समेत चुनिए ।
आजै नवदुर्गा क्रिकेट क्लबलाई जाडीकोट क्लबले हराएको छ । टस जितेर ब्याटिङ रोजेको जाडीकोटले निर्धारित १२ ओभरमा अलआउट हुदै ८९ रन बनाएको थियो । जागीकोटका दिपेन्द्र चन्दले १९ बनाए । ९० रनको बिजयी लक्ष पछ्याएको नवदुर्गाले अलआउट हुदै १० ओभरमा अलआउट हुदै ६४ रन बनाउन सक्यो । नवदुर्गाका अरुण महराले ३७ रन बनाउन बाहेक अन्य खेलाडीले दोहोरो अंक छुन सकेनन् । जाडीकोटका दिपक चन्द र मुकेश रावलले तीन तीन विकेट लिए । जाडीकोटका दिपक चन्द म्यान अफ द म्याच चुनिए ।

No description available.
आजै भएको तेश्रो खेलमा खोडपे क्रिकेट क्लब(केसीसी)ले शाहिलेक क्रिकेट क्लबलाई हराएको छ । टस जितेर ब्याटिङ गरेको केसीसीले निर्धारित १२ ओभरमा ९ विकेट गुमाएर ११६ रन बनाएको थियो । केसीसीका रजेश साउँदले ३२, टिम क्याप्टेन दिपक बिष्टले १६ रन बनाए । शाहिलेकका मुकेश बोहराले ३ विकेट लिए ।
११७ रनको विजयी लक्ष पछ्याएको शाहिलेकले १२ ओभरमा ९१ रनमा समेटियो । शाहिलेकका लागि प्रविन भण्डारीले २१ रन र डम्बर तिरुवाले १४ रन बनाउन बाहेक अन्य खेलाडीले दोहोरो अंक छुन सकेन्न । खोडपेका हिक्मत महराले ४ विकेट लिए ।

No description available.
टिमका लागि १ विकेट लिएर ३२ रन बनाएका राजेश साउँद म्यान अफ द म्याच चुनिए ।
आजै भएको अन्तिम खेलमा पिसीसी पल्टनले नवदुर्गालाई ७ विकेटले हराएको छ । टस जितेर ब्याटिङ गरेको नवदुर्गाले निर्धारित १२ ओभरमा ८ विकेट गुमाएर ६२ रन बनाएको थियो । नवदुर्गाका लागि रोहि बुढाएरले १५ रन बनाएका थिए । पाटन पल्टनका पारश बिष्टले २, सन्नी बिष्ट, जनक बिष्ट, कृष्ण भट्ट, बिपिन धामीले समान एक एक विकेट लिए ।
६३ रनको लक्ष पछ्याएको पल्टनले ५.१ ओभरमा लक्ष भेट्टायो । पल्टनका लागि जनक बिष्टले २३, दिपेश चन्दले १५ रन बनाए । नवुर्दागाका भोजराज भट्टराईले २ विकेट लिए । पल्टनका जनक बिष्ट म्यान अफ द म्याच चुनिए ।