बैतडीको पाटन नगरपालिकाले बजार अनुगमनमा सक्रियता बढायो

प्रदेश समाचार

Home
प्रदेश समाचार
बैतडीको पाटन नगरपालिकाले बजार अनुगमनमा सक्रियता बढायो

बैतडीको पाटन नगरपालिकाले बजार अनुगमनमा सक्रियता बढायो

बैतडीको पाटन नगरपालिकाले बजार अनुगमनमा सक्रियता बढाएको छ । नगरप्रमुख उपप्रमुख कमल सिह बोहराको संयोजकत्वमा रहेको अनुगमन समितिले गएको दुई महिनामा दुई पटक बजार अनुगमन गरेको छ ।
कम्तीमा महिनाको एक पटक बजार अनुगमन गरेर उपभोक्ता हित संरक्षणका लागि स्थानीय सरकारले पहल गरिरहेको उपप्रमुख बोहराले बताए । पछिल्लो पटक असोज पहिलो साता नगर क्षेत्रभित्रका विभिन्न बजारमा अनुगमन गरिएको बोहराले बताए । चाडपर्वका समयमा म्याद नाघेका सामग्री विक्रि हुन सक्ने, कालोबजारी हुन सक्ने कुरालाई मध्यनजर राखेर बजार अनुगमन गरिएको उपप्रमुख बोहराले बताए । अनगुमनाका क्रममा ५० हजार बराबरका म्याद नाघेका बिष्कुट सुजी लगायतका अखाद्य बस्ुतहरु बरामद गरी नष्ट गरीएको उपप्रमुख बोहराले जानकारी दिए ।
बजार अनुगमनका क्रममा भेटिएका म्याद नाघेका सामग्री बरामद गरेर नष्ट गरिएको बताइएको छ । स्थानीय तहभित्रका बजार अनुगमन गर्ने अधिकार अहिले स्थानीय तहहरुलाई छ । बजार अनुगमन गरेमा उपभोक्ता र व्यापारी दुवै आफ्ना अधिकार र कर्तव्यका बिषयमा जानकार हुने भएकाले स्थानीय तहहरुले यस्तो कार्यलाई निरन्तरता दिन आवश्यक रहेको जानकारहरुले बताएका छन् ।

प्रकाशित मिति: मंगलबार, असोज ११, २०७९ १०:०८

प्रतिक्रिया दिनुहोस्