पिपिएल : मंगलबार पनि पाँच खेल सम्पन्न , पिसिसि पल्टन र खोडपे क्वाटर फाइनलमा प्रवेश

प्रदेश समाचार

Home
प्रदेश समाचार
पिपिएल : मंगलबार पनि पाँच खेल सम्पन्न , पिसिसि पल्टन र खोडपे क्वाटर फाइनलमा प्रवेश

पिपिएल : मंगलबार पनि पाँच खेल सम्पन्न , पिसिसि पल्टन र खोडपे क्वाटर फाइनलमा प्रवेश

बैतडीको पाटनमा जारी दोश्रो संस्करणको पिपिएल प्रतियोगितामा मंगलबार पनि ४ खेल सम्पन्न भएका छन् । कृष्ण माविको खेल मैदानमा भएको पहिलो खेलमा खोडपे क्रिकेट क्लबले मेलौली क्रिकेट क्लबलाई हराएको छ । टस जितेर ब्याटिङ गरेको खोडपेले निर्धारित १० ओभरको खेलमा २ विकेटको क्षतिमा १७४ रन बनाएको थियो । खोडपे क्रिकेट क्लबका लागि नितेश बिष्टले ३३ बलमा सय रनको सतकीय पारी खेले । त्यसैगरी सचिन महरले ४१ रन बनाए । सचिन मेहरले ४१ रन जोडे मेलौलीका मंगेल दयाल र बिरेन्द्र बिष्टले समान १/१ विकेट लिए ।
१७५ रनको विजयी लक्ष पछ्याएको मेलौलीले निर्धारित १० ओभरमा ४ विकेट गुमाएर ७५ रन मात्रै बनाउन सक्यो । उसका लागि रविन चन्दलले २७ रन बनाए । उनीबाहेक अरु ब्याड्सम्यान राम्रो प्रदर्शन गर्न सकेनन् । खोडपे क्रिकेट क्लबका राजेश साउँदले २ तथा हिक्मतमहरा र धिरज साउँदले समान एक एक विकेट लिए । एक सय एक रन बनाएका खोडपे क्रिकेट क्लबका नितेस बिष्ट म्यान अफ द म्याच चुनिए ।
यसैगरी आजै भएको दोश्रो खेलमा पिसिसि पल्टनले बाराकोटलाई हराएको छ । टस जितेर ब्याटिङ रोजेको बाराकोटले निर्धारीत १० ओभरको खेलमा ९ विकेटको क्षतिमा ७३ रन बनायो। उसका समिरले बोहरा १७ रन जोडे । पिसिसि पल्टनका पारस बिष्ट ,जनक बिष्ट र कृष्ण भट्टले समान दुई÷दुई विकेट लिए । जवाफी ब्याटिङमा उत्रेको पिसिसि पल्टनले ४ ओभरमा नै लक्ष्य भेटायो । उसका लागि राहुल भण्डारी ४४ रनको योग्दान गरे भने दिपेश चन्दले २४ रन जोडे । पल्टनका लागि ४४ रनको योग्दान गरेका राहुल म्यान अफ दि म्याच चुनिए ।
आज भएको तेस्रो खेलमा साहिलेकले रोयल किङ् डडेल्धुरालाई १३ रनले हराएको छ । टस जितेर ब्याटिङ रोजेको साहिलेकले निर्धारित १० ओभरको खेलमा ७ विकेटको क्षतिमा ११७ रन जोड्यो । साहिलेकका लागि प्रविन भण्डारीले ३७ तथा बिरेन्द्र चन्दले २७ रन जोडे । रोयल किङका अमित घर्तिमगरले ३ नरेश भण्डारीले २ र मुकेश बोहराले १ विकेट लिए । ११८ रनको विजयी लक्ष्य पछ्याएको रोयल किङ डडेल्धुराले निर्धारीत १० ओभरको खेलमा ८ विकेटको क्षतिमा १०५ रन मात्रै जोड्न सक्यो। उसका लागि अमित घर्तिमगरले ३७ रन जोडे । साहिलेकका मुकेश बोहराले ३ तथा कपिल भण्डारीले २ विकेट लिए ।

यस्तै आजै भएको चौथौ खेलमा जाडिकोट ६ विजयी भएको छ । टस जितेर ब्याटिङ रोजेको बाराकोट १० ओभरको खेलमा ७ विकेटको क्षतिमा ९४ रनमा समेटियो । उसका लागि राकेश बिष्टले ३१ रन जोडे । जाडीकोटका दिपक चन्द र दशरथ भट्टराईले समान दुई दुई विकेट लिए । ९५ रनको विजयी लक्ष्य पछ्याएको जाडीकोटले ८ दलमलव २ ओभरमै लक्ष्य भेटायो। उसका लागि दिपक चन्दले ४० रनको योग्दान गरे । बाराकोटका शंकर बिष्टले २ तथा रोहीत बिष्ट र समिर बोहराले समान एक एक विकेट लिए ।
त्यसैगरी आजै भएको अन्तिम तथा पाचौ खेलमा खोड्पे क्रिकेट क्लब २२७ रनले विजयी भएको छ । टस जितेर ब्याटिङ रोजेको खोडपेले निर्धारित १० ओभरको खेलमा २ विकेटको क्षतिमा २४१ जन जोडेको थियो । उसका लागि सचिन मेहर ६८ , नितेश बिष्टले ५२ साजन बिटाला ५६ र जतिन थापा ४० रन जोडे ।
२४२ रनको विजयी लक्ष्य पछ्याएको रोयल किङले ६ दशमल ४ ओभरमै अलआउट हुदै १४ रन मात्रै जोड्न सक्यो । उसका कुनै पनि ब्याट्स म्यान चल्न सकेनन्। खोड्पे क्रिकेट क्लबका हिक्मत ले ४ तथा भुपेन्द्र रावतले १ विकेट लिए ।
यसैगरी समूह ए को पोल ए बाट बासुलिङ् क्रिकेट क्लब , पोल बि बाट भिमदत्त पोलिटेक्नीक ईन्चिच्युटको टीम क्वाटरफाइनलमा प्रवेश गरेका छन् । त्यसैगरी समूह बि को पोल ए बाट पिसिसि पल्टन , पोेल बि बाट ग्वालेक क्रिकेट क्लब र पोल सि बाट खोड्पे त्रिकेट क्लब क्वाटर फाइनलमा प्रवेश गरेको छ । यसैगरी भोली अर्थात बुधबार पहिलो खेल पाटन स्टार र गढीबिच खेल हुनेछ । दोस्रो खेल गढी र भुमेश्वर तथा अन्तिम खेल पाटन स्टार धारिलो क्रिकेट क्लब बिच हुनेछ । बुधबार नै क्वाटर फाइनलमा पुग्ने टोलीको पनि टुङ्गो लाग्ने छ ।

प्रकाशित मिति: मंगलबार, असोज ११, २०७९ २०:२५

प्रतिक्रिया दिनुहोस्