बैतडीको ढुंगाडमा सेती नदी बस्तीतर्फ पस्ने खतरा, स्थानीयहरु सरसामान लिएर सुरक्षीत ठाउँतर्फ लागे

प्रदेश समाचार

Home
प्रदेश समाचार
बैतडीको ढुंगाडमा सेती नदी बस्तीतर्फ पस्ने खतरा, स्थानीयहरु सरसामान लिएर सुरक्षीत ठाउँतर्फ लागे

बैतडीको ढुंगाडमा सेती नदी बस्तीतर्फ पस्ने खतरा, स्थानीयहरु सरसामान लिएर सुरक्षीत ठाउँतर्फ लागे

बैतडी,
बैतडीको सिगास गाउँपालिका ५ ढुंगाड क्षेत्र बाढीको उच्च जोखिममा रहेको छ । लगातारको वर्षाले सेती नदीमा पानीको बहाव उच्च बनेपछि बस्तीमा नदी पस्ने खतरा बढेको स्थानीयहरुले बताएका छन् । ८० भन्दा बढी परिवारको बस्ती रहेको ढुंगाडमा सेती नदीले बस्तीतर्फ कटान सुरु गरेको स्थानीय ब्यापारी लोकेन्द्र चन्दले बताए । उहाका अनुसार त्यहाका स्थानीयहरुले खाद्यान्न तथा बासका लगि चाहिने सरसामान नजिकैको सारदा माध्यामिक बिद्यायलमा सार्न थालीसकेका छन् । नदी बस्तीतर्फ आउन थालेकाले हिजो देखि नै त्यहाका स्थानीहरुले आवस्यक सरसमान नजिकैको विद्यालयमा सारेका हुन् ।
बस्तीतर्फ कटान सुरु गरेपछि स्थानीयहरुको अन्नपानी बोकेर डाडातर्फ जान थालेको वडा नं ५ का वडा अध्यक्ष राजेन्द्र चन्दले बताए । ‘आज बिहानैदेखि स्थानीयहरुको भागाभाग सुरुभइसक्यो,’ उनले भने ‘सरसमाना बोकेर कोहि नजिकैको बिद्यालयमा जादैछन्, कोहि डाडाको बस्तीमा आफन्त भएको ठाउँमा गइरहेका छन्,’ वडा अध्यक्ष चन्दले भने ।
गत वर्षको कार्तिक महिनामा आएको लगातारको वर्षाले सेती नदी बस्तीमा पसेको थियो । सेतीले बस्ती घेरेपछि स्थानीयहरु २ दिनसम्म बिच भंगालोमै फसेका थिए । सोही घटना दोहोरीनसक्ने भन्दै स्थानीयहरु नदीको बहाव हेर्दै नजिकैको विद्यालयमा सरसमान सार्न थालेका हुन् ।

प्रकाशित मिति: आइतबार, असोज २३, २०७९ ०९:२०

प्रतिक्रिया दिनुहोस्