हरि मोहन भण्डारीको स्वतन्त्र उम्मेदवारीप्रती केन्द्रको चसो, भण्डारी भन्छनः म ब्याक हुन्न !

प्रदेश समाचार

Home
प्रदेश समाचार
हरि मोहन भण्डारीको स्वतन्त्र उम्मेदवारीप्रती केन्द्रको चसो, भण्डारी भन्छनः म ब्याक हुन्न !

हरि मोहन भण्डारीको स्वतन्त्र उम्मेदवारीप्रती केन्द्रको चसो, भण्डारी भन्छनः म ब्याक हुन्न !

बैतडी,
स्वतन्त्र उम्मेदवारी दिएका नेपाली कांग्रेसका महासमिति सदस्य नेता हरिमोहन भण्डारी र कांग्रेसका जिल्ला सभापती चतुर बहादुर चन्दबीच भएको कुराकानीमा हरिमोहन भण्डारीले कुनै पनि हालतमा पछाडी नहट्ने अडान राखेका छन् ।
नेपाली कांग्रेस बैतडीका सचिव प्रेम बहादुर चन्दका अनुसार सभापती चन्दसँग भएको भेटमा भण्डारीले पछाडी नहट्ने अडान लिएका हुन् । ‘सभापती ज्यूसँग कुराकानी भएको हो, भण्डारीले म आफ्नो उम्मेदवारी फिर्ता नलिने र उम्मेदवारीबाट ब्याक नहुने भन्नुभएकोछ, तर छलफल अझै जारी रहन्छ’ स्टार बुलेटिनसँग जिल्ला सचिव चन्दले भने ।
यसैगरी हरिमोहन भण्डारीले दिएको स्वतन्त्र उम्मेदवारीको बिषयमा केन्द्रले पनि चासोको रुपमा लिएको जिल्ला सचिव चन्दले बताए । ‘उम्मेदवारी परीसकेपछि केन्द्रबाट फोन आएको थियो, यहाँ भएको बारेमा हामिले जानकारी गराएका छौँ’, उनले भने । यस बिषयमा थप छलफल हुने उनले बताए ।
हरि मोहन भण्डारीले प्रदेश क्षेत्र नं क बाट स्वतन्त्र उम्मेदवारी दर्ता गराएका छन् । टिकटका लागि भण्डारीको बलियो सम्भावना भएको भएपनि सुर्नया गाउँपालिकाका निवर्तमान पालिका अध्यक्ष तथा कांग्रेस बैतडीका उपसभापती बीर बहादुर बिष्टले टिकट पाएका छन् ।
गत आम निर्वाचनमा बाम गठबन्धनका उम्मेदवारसँग झिनो मतान्तरले पराजीत भएका भण्डारीलाई बलियो प्रतिस्पर्धीको रुपमा हेरिएको थियो ।
यस बिषयमा हरिमोहन भण्डारीसँग बुझ्न खोज्दा फोन सम्पर्क हुन सकेको छैन ।

प्रकाशित मिति: सोमबार, असोज २४, २०७९ १७:४७

प्रतिक्रिया दिनुहोस्