बैतडी– नेपाली कांगेसबाट विद्रोह गर्दै स्वतन्त्र चुनाव लडिरहेका बैतडी प्रदेश(क)का उम्मेदवार हरीमोहन भण्डारीले आफु २०७४मा चुनाव लड्दा पार्टीकै मान्छेहरुले असहयोग गरेका कारण पराजीत भएको दावी गरेकाछन् ।
सोमबार पाटनमा आयोजीत पत्रकार सम्मेलनमा उनले भने,“पार्टी सकियो, कांग्रेस बाइबाई, कांगे्रसको देहावसान भन्ने ब्यक्तिहरु आफुलाई हराउनमा लागि परेको अहिले प्रमाणीत हुदैँछ ।” भण्डारीले आफु्नो बर्षौको लगानी र करोडौँ रकम आर्थिक लगानी समेत कांग्रेसमा रहेकाले पार्टीको माँया भएपनि केहि नेताका कारण स्वतन्त्र उम्मेदवार बनेको दावी गरे ।
भण्डारीले आफ्नो प्रमुख एजेण्डा भ्रष्टाचारको अन्त्य गर्नु रहेको बताए । उनले आफु विजय भएमा तलव समेत नलिने घोषणा गरेका छन् ।
उनले भने,“मलाई महिनाको ४लाखले पुगिराखेको छैन्, प्रदेश सांसदको त्यो तलवले के पुुग्छ ?” उनले आफु प्रदेश सांसद बन्नु प्रदेशसभाका लागि नै गर्वको बिषय हुने बताए । भण्डारीले भने,“हामीजस्तो स्वच्छ छवी भएको मान्छे प्रदेशसभामा गएपछि प्रदेशसभाको स्वभा समेत बढ्छ ।”
उम्मेदवार भण्डारीले आफु चुनाव जित्ने दावी गरेकाछन् । यसअघि २०७४सालमा नेपाली कांग्रेसबाट उम्मेदवार बनेका भण्डारी तत्कालिन एमाले–माओवादी गठबन्धनसंग करिव ३हजार मतले पराजीत भएका थिए ।
उनले क्षेत्र(क)का कांगे्रश नेताहरुको सर्मथन आफ्नो पक्षमा हुदाँहुदैँ पार्टीले टिकट नदिएको बताए । ४१ वडासभापति मध्ये ३६ जनाको लिखित सर्मथन पाएको उनको दावी छ । भण्डारीले यसअघि पार्टीमा रहदाँ समेत सबैका पक्षमा काम गरेकाले अहिले सबै जनताले आफुलाई साथ दिने बताए ।
भण्डारीले आफ्नो प्रतिस्प्रधी कोहि नरहेको र गठबन्धनका उम्मेदवार कांग्रेस जिल्ला उपसभापती बीर बहादुर बिष्टको धरौटी नै जफत हुने दावी गरे । कांग्रेसका सबै कार्यकर्ताहरु आफ्नो सम्पर्कमा रहेकाले आफुुलाई नै मतदान गर्ने उनको दावी छ ।
