बैतडी: ‘बागी’ उम्मेदरको पक्षमा उभिएकाबिरुद्ध कडा कदम चाल्ने कांग्रेसको तयारी

प्रदेश समाचार

Home
प्रदेश समाचार
बैतडी: ‘बागी’ उम्मेदरको पक्षमा उभिएकाबिरुद्ध कडा कदम चाल्ने कांग्रेसको तयारी

बैतडी: ‘बागी’ उम्मेदरको पक्षमा उभिएकाबिरुद्ध कडा कदम चाल्ने कांग्रेसको तयारी

बैतडी,
नेपाली कांग्रेसले कात्तिक ४ गतेसम्म बागी उम्मेदवारले निष्कृय भई गठबन्धनलाई साथ दिएको अवस्थाका कारवाही फुकुवा गर्ने जनाएको छ । कांग्रेसले एक बिज्ञप्ती जारी गर्दै अर्काे मौका दिएको हो ।
तर बैतडीमा गठबन्धनका बिरुद्ध बागी उम्मेदवारी दिएका दुबै उम्मेदवारले आफ्नो अडान कायमै राखेका छन् । कांग्रेस नेता केशव बहादुर चन्दले प्रतिनिधिसभाका लागि उम्मेदवारी दिएर चुनावी प्रचारमा लागी रहेका छन् भने प्रदेश क्षेत्र नं (क)बाट कांग्रेस नेता हरिमोहन भण्डारीले पनि निष्कृय नहुने अडान दोहोर्याएका छन् । उनले प्रदेशसभा सदस्यका लागि उम्मेदवारी दर्ता गराएका छन् । कांग्रेस कार्यकर्ताकै अनुरोधमा आफुले उम्मेदवारी दर्ता गरेको र निष्कृय बन्न नसकिने उनले बताए । आफ्नो पक्षमा कांग्रेस नेतामात्रै नभई अन्य पार्टीका नेता कार्यकर्ताको साथ रहेकाले विजयी हुनेमा ढुक्क रहेको उनले बताएका हुन् ।
यसैगरी प्रतिनिधिसभा सदस्यका लागि बागी उम्मेदवारी दिएका केशव बहादुर चन्दले पनि कांग्रेसको बहुमत हुदाहुदैपनि माओवादीलाई संघमा टिकट दिएको भन्दै चुनावमा होमिएको बताएका छन् ।
यसैगरी बैतडीमा सत्तारुड गठबन्धनले भने सबै कार्यकर्ताहरुलाई गठबन्धनको पक्षमा लाग्न निर्देशन दिइसकेको छ । दुबै क्षेत्रमा चुनाव परिचालन कमिटि नै गठन गरेर अघि बढेको छ ।
बागी उम्मेदवारी दिएकाहरु निष्कृय हुनेमा विश्वस्त रहेको क्षेत्र नं (ख)का सभापती शिवराज भट्टले बताए । संसदिय प्रर्णालीमा ब्याक्तीभन्दा माथी पार्टीकै भुमिका महत्वपुर्ण रहने भएकाले पार्टीको भनेको मान्नुपर्नेमा जोड दिनु भयो ।
बागी उम्मेदवारका प्रस्ताव, समर्थक मात्रै नभई बागी उम्मेदवारहरुसँग प्रचारमा हिन्ने, समाजिक सञ्जालमा लाईक कमेन्ट र बागी उम्मेदवारको पक्षमा मत माग्नेहरुलाई समेत कारवाहीको दायरामा ल्याउने कांग्रेस बैतडीका सचिव प्रेम बहादुर चन्दले बताए । बैतडीको दुबै क्षेत्रमा गठबन्धनको बैठकबाट प्रचार प्रसार समिति र निर्वाचन सयंन्त्र समिति गठन गरेर चुनावी कार्यक्रम अघि बढाएको पनि उनले बताए ।

प्रकाशित मिति: मंगलबार, कात्तिक १, २०७९ १५:५४

प्रतिक्रिया दिनुहोस्