बैतडीमा ११७ जना क्षयारोगीमात्रै उपचारको दायरामा, बिरामी ६०० रहेको अनुमान

प्रदेश समाचार

Home
प्रदेश समाचार
बैतडीमा ११७ जना क्षयारोगीमात्रै उपचारको दायरामा, बिरामी ६०० रहेको अनुमान

बैतडीमा ११७ जना क्षयारोगीमात्रै उपचारको दायरामा, बिरामी ६०० रहेको अनुमान

baitadi PGM.jpg

कृष्ण बिष्ट
बैतडी,
बैतडीमा क्षयरोगका बिरामीहरु उपचारको दायरामा नआउने गरेको पाइएको छ । हाल ११७ जना मात्रै उपचार तथा नियमित औषधी सेवनको दायरामा आएको स्वास्थ्य कार्यालय बैतडीका ल्याब टेक्नीसीयन जय सिह बडालले जानकारी दिए । राष्ट्रिय क्षयरोग केन्द्रले बैतडीमा ६ सयको हाराहारमीमा बिरामी रहेको तथ्याङ्क सार्बजनिक गरेको भएपनि ११७ जन मात्रै उपचारको दायरामा आएको उनले बताए ।
स्थानिय तहहरुमा ल्याबसहितको सेवा पुगेपनि स्वास्थ्यकर्मीहरुलाई उचित तालिमको ब्यवस्था नभएको उनले बताए । पालिकाहरुमै उपचार पत्ता लगाउनको लागि आवस्यक कार्यक्रमहरु ल्याउनुपर्नेमा स्वास्थ्यकर्मीहरुको जोड छ ।
चिकित्सका अनुसार क्षयरोग माइक्रोबैक्टेरियम ट्यूबरकुलोसिस नामक व्याक्टेरियाको सङ्क्रमणका कारण हुने रोग हो । कुनै पनि क्षयरोगीको सम्पर्कमा आउनाले यो रोग सर्ने जोखिम हुन्छ । अस्वस्थ जीवनशैली तथा अस्वस्थकर खानपानका कारण पनि मानिसलाई क्षयरोगको सङ्क्रमण हुने खतरा बढ्छ ।
दुई हप्ताभन्दा बढी समय एकनासले खोकी लाग्नु, खोकीसँगै खकारमा रगत देखिनु, हल्का ज्वरो आउनु क्षयरोगको सामान्य लक्षण हो । २४ मार्चको दिनलाई विश्व क्षयरोग दिवसको रुपमा मनाइँदै आएको छ ।

प्रकाशित मिति: बिहीबार, चैत १०, २०७८ २२:०२

प्रतिक्रिया दिनुहोस्