सिद्धेस्वर माविको उपहार कार्यक्रमको नतिजा तिहारको दिन खोडपेमा प्रकाशन गरिने

प्रदेश समाचार

Home
प्रदेश समाचार
सिद्धेस्वर माविको उपहार कार्यक्रमको नतिजा तिहारको दिन खोडपेमा प्रकाशन गरिने

सिद्धेस्वर माविको उपहार कार्यक्रमको नतिजा तिहारको दिन खोडपेमा प्रकाशन गरिने

पाटन ९ मा रहेको सिद्धेस्वर माविले दशै तिहार तथा छट पर्व उपहार कार्यक्रमको नतिजा भाईटिकाको दिन प्रकाशन तथा प्रशारण गर्ने भएको छ । यसअघि नै घोषणा गरेर चिठ्ठा काट्न सुरु गरेको विद्यालयले तिहारको दिन खोडपेमा लाग्ने मेलामा एक औपचारिक कार्यक्रमको आयोजना गरी नतिजा प्रकाशन तथा प्रशारण गरिने भएको हो । नतिजा प्रकाशनका बेला यस कार्यक्रमको सार्बजनिक सुनुवाई समेत गरिने सिद्धेस्वर माविका विद्यालय व्यवस्थापन समिति अध्यक्ष प्रेम सिंह भाटले जानकारी दिए । करिब एक महिनादेखि चिठ्ठा काटिन सुरु भएकोमा ५ हजार भन्दा बढीले उपहार कार्यक्रमका लागि चिठ्ठा खरिद गरेका छन् ।
उपहार कार्यक्रमकामा पहिलो पुरस्कार एक जनालाई ल्याप्टम रहेको छ । दोश्रो पुरस्कारमा एक जनालाई टेलिभिजन रहेको छ । तेश्रो पुरस्कारमा ३ जनालाई मोवाइल सेट प्रदान गरिने कार्यक्रम रहेको छ । चौथो पुरस्कारमा ५ जनालाई प्रेसर कुकर, पाँचौ पुरस्कारमा ५ जनालाई आइरन र छैटौ पुरस्कारमा ५ जनालाई भित्तेघडी प्रदान गरिने विद्यालयले जनाएको छ ।
विद्यालयको आयश्रोत बढाउनको लागि यो कार्यक्रम ल्याएको विद्यालयका व्यवस्थापन समिति अध्यक्ष भाटले बताए । निजि श्रोतबाट समेत शिक्षकहरुलाई तलव खुवाउन पर्ने भएकाले यस कार्यक्रमबाट केहि सहयोग पुग्ने विद्यालयले जनाएको छ । १० सम्म पढाइ हुने उक्त विद्यालयमा ६ जना नगर शिक्षक स्वयमसेवकको रुपमा कार्यरत रहेका छन् भने २ जना शिक्षक विद्यालयकै निजि श्रोतबाट तलव खुवाइदै अएको छ । नगर शिक्षक स्वयम सेवकको हकमा पनि माथिल्लो कक्षामा अध्यापन गराउने शिक्षकहरुलाई विद्यालयको निजि श्रोतबाट पारीश्रमिक थपेर तलव खुवाउनु पर्ने अवस्था आएको विद्यलायले जनाएको छ । पछिल्लो वर्षहरुमा सिद्धेस्वर मावि व्यावस्थापकीय र शैक्षिक कार्यक्रममा अग्रणी विद्यालयको रुपमा रहदै आएको छ ।

प्रकाशित मिति: मंगलबार, कात्तिक ८, २०७९ १४:२६

प्रतिक्रिया दिनुहोस्