बैतडी
राष्ट्रीय प्रजातन्त्र पार्टी बैतडीका अध्यक्ष इन्द्रदेव शरण भट्टले बैतडीमा सबै पार्टीका अधिकांश नेताहरु राप्रपाकै उत्पादन भएको बताएकाछन् । आइतबार रेडियो सेभेनस्टारको कार्यक्रम चुनाव चर्चामा बोल्दै उनले बैतडीका ठुला नेताहरु विगतमा राप्रपामै आवद्ध रहेका बताए ।
प्रदेशसभा सदस्यका समानुपातिक उम्मेदवार समेत रहेका भट्टले नेकपा एमालेबाट प्रतिनिधिसभाका उम्मेदवार दामोदर भण्डारीको परिवार विगतमा राप्रपामा आवद्ध रहेको दावी गरे । उनले भने, “उहाँको पुरै परिवार विगत देखी राप्रपामा थियो । उहाँले विद्यार्थी राजनितिबाट अर्को पार्टीमा लागेपनि उहाँको बुवा र कान्छो आमा अहिले पनि राप्रपा सक्रिय सदस्य हुनुहुन्छ । दामोदर जी एमालेबाट २पटक सांसद बन्नुुभयो । उहाँको परिवार राप्रपामा भएकाले मलाई खुसि नै लाग्छ ।”
यसैगरी प्रतिनिधिसभामा सत्ता गठबन्धनका साँझा उम्मेदवार माओवादी पोलिटव्युुरो सदस्य नरेन्द्र कुवर(विजय सुुन्दर) पनि विगतमा राप्रपा आवद्ध रहेको भट्टको दावी छ । उनले भने,“पछि उहाँ माओवादीमा लाग्नुुभयो तर राजनिति राप्रपाबाटै सुुरुवात गर्नुभएको हो । कुवरको परिवार पुरै राप्रपा आवद्ध हो ।”
यसैगरी नेपाली कांग्रेस बैतडीका जिल्ला सभापती चतुर बहादुर चन्द पनि राप्रपाकै उत्पादन भएको बताए । चन्द राप्रपा निकट शिक्षक परिषदका जिल्ला अध्यक्ष बनेको उनको भनाई छ ।
यसैगरी प्रतिनिधिसभा सदस्यका स्वतन्त्र उम्मेदवार केशव बहादुर चन्द विगतमा राजसस्ंथा संगै आवद्ध रहेको बताए । भट्टले भने,“केशव जी यसअघि मन्त्री बन्नुुभयो, मेयर बन्नुुभयो, अनि पहिला राजाले राख्ने मण्डले हरुमा उहाँ हुनुुहुुन्थ्यो ।”
यस्तै प्रदेशसभा क्षेत्र(क)मा स्वतन्त्र उम्मेदवार बनेका हरिमोहन भण्डारी २०५६सालमा राप्रपाको युवक संगठनका केन्द्रीय सदस्य भएको बताए । उनले भने “उतिबेला म युुवक संगठनको जिल्ला अध्यक्ष थिए भण्डारी जी केन्द्रीय सदस्य हुुनुुहुुन्थ्यो ।”
नेपाली कांग्रेसका नेता चन्द र भण्डारी पार्टीको टिकट वितरण प्रकृयामा असन्तुुष्टी जनाउदैँ अहिले स्वतन्त्र उम्मेदवारको रुपमा प्रतिस्प्रधा गरिरहेका छन् ।
यसैगरी नेकपा एमालेका केन्द्रीय सल्लाहकार परिषद अध्यक्ष मोहन थापा र एमालेबाट निर्वाचित दशरथचन्द नगरपालिकाका मेयर पुुस्कर राज जोशी लख्खाभाई समेत विगतमा राप्रपामा आवद्ध रहेको बताए । बैतडीमा राजनिति गर्ने व्यक्तिहरु कतै न कतै राप्रपा संग जोडीएकै गएका छन् ।
राप्रपा जिल्ला अध्यक्ष भट्टले अवसरका लागि अन्यत्र गएका व्यक्तिहरु अन्त्यमा राप्रपामै फर्किने दावी समेत गरे ।
“उनिहरुले अवसरका लागि छोटो बाटो अपनाएका हुुन केहि समयपछी राप्रपामै फिर्ता हुन्छन् ।” उनले भने ।
