उम्मेदवारहरु मतदातासंग भेटघाट गर्न शिवनाथ मेलामा

प्रदेश समाचार

Home
प्रदेश समाचार
उम्मेदवारहरु मतदातासंग भेटघाट गर्न शिवनाथ मेलामा

उम्मेदवारहरु मतदातासंग भेटघाट गर्न शिवनाथ मेलामा

बैतडी, १५ कर्तिक
आगामी मंसिर ४गते हुने प्रदेश तथा प्रतिनिधिसभा निर्वाचनका लागी बैतडीमा उम्मेदवारहरुले प्रचार प्रसार अभियानलाई तिव्रता दिएका छन् ।
उम्मेदवारहरु मंगलबार जिल्लाको प्रसिद्ध शिवनाथ मेलामा सहभागी भई मतदाता संग भेटघाट गरेकाछन् । उक्त मेलामा नेकपा९एमाले०बाट प्रतिनिधीसभा सदस्यका उम्मेदवार दामोदर भण्डारी, प्रदेशसभा९ख०का उम्मेदवार लिलाधर भट्ट, गठबन्धनबाट प्रतिनिधिसभा सदस्यका उम्मेदवार नरेन्द्र कुवर, प्रदेशसभा ९ख०का उम्मेदवार शिवराज भट्ट लगायतका नेताहरुको सहभागीता थियो ।
उक्त मेलामा नेताहरुले मतदाता संग भेट गर्नुका साथै आफ्नो पक्षमा मत मागेका छन् । नेताहरुले स्थानियबासीसंग भेटघाट गरेको तथा डेउडा खेल खेलिरहेको फोटोहरु सामाजिक संजालमा पोष्ट गरेकाछन् ।
यसैगरी उम्मेदवार तथा उनिहरुका प्रतिनिधि अहिले गाउँघरमा केन्द्रीत भएकाछन् । बैतडीमा प्रतिनिधि सभाका लागी ११ जनाले उम्मेदवारी दिएकाछन् भने, प्रदेश ९क० तर्फ ६ जना र (ख) तर्फ ५जनाले उम्मेदवारी दिएकाछन् ।
बैतडीमा बढी दलबाट उम्मेदवार भएपनि नेकपा(एमाले) र सत्ता गठबन्धनको बीच मै प्रतिस्प्रधा हुने देखिएको छ । प्रतिनिधिसभामा एमालेका भण्डारी र माओवादी केन्द्रका कुवर बीच मुख्य प्रतिस्प्रधा छ भने, कांग्रेस बाट पुर्व मन्त्री र निर्वतमान मेयर समेत रहेका केशव बहादुर चन्द स्वतन्त्र उम्मेदवार रहेकाले उनलाई समेत बलियो प्रतिस्प्रधीको रुपमा हेरिएको छ ।

May be an image of one or more people, people standing, outdoors and crowd

यसैगरी प्रदेशसभा क मा कांग्रेसका प्रभावशाली नेताका रुपमा रहेका हरिमोहन भण्डारीले टिकट नपाएकाले स्वतन्त्र उम्मेदवार बनेकोमा उनि बलिया प्रतिस्प्रधी देखिएकाछन् । प्रदेशसभा क तर्फ एमालेका सुरेन्द्र पाल, कांग्रेसका बीर बहादुर बिष्ट, नेकपा(एकिकृत समाजवादी)का नरेन्द्र बिष्ट र स्वतन्त्र हरिमोहन भण्डारी कडा बीच प्रतिस्प्रधा हुने देखिएको छ । क्षेत्र (ख)मा भने, एमालेका लिलाधर भट्ट र कांग्रेसका शिवराज भट्ट बीच प्रतिस्प्रधा हुने देखिन्छ । एमालेका लिलाधर निर्वतमान प्रदेश सांसद का साथै पार्टी केन्द्रीय सदस्य हुन् भने, कांग्रेसका शिवराज पार्टी पुर्व सभापती हुुन् ।

प्रकाशित मिति: मंगलबार, कात्तिक १५, २०७९ १६:५९

प्रतिक्रिया दिनुहोस्