बैतडी
नेकपा एमालेका सुुदुुरपश्चिम प्रदेश कमिटी अध्यक्ष दामोदर भण्डारीले मंगलबार जिल्लाको डिलाशैनी गाउँपालिका–२को गन्नामा आयोजीत चुनावी आमसभाको सम्बोधन गरेकाछन् ।
बैतडीबाट प्रतिनिधिसभा सांसदका उम्मेदवार समेत रहेका भण्डारीले आफ्नो कार्यकालमा मतदाताको शिर ठाडो हुने काम गरेको बताए । उनले आफुुले कहिल्यैपनि जनताको मतको अपमान हुने काम नगरेको बताए ।
भण्डारीले भने,“जतिबेला शेर बहादुर देउवालाई प्रधानमन्त्री बनाउन परमादेशका लागी अभ्यास भैरहेको थियो । मलाईपनि चाहेको मन्त्रालय दिनेगरी अवसर देखाइयो । एकजना बहालवाला मन्त्रीले भनेका थिए ‘मैले पहिल्यै फाइलहरु तयार गरेको छु । ओली भए पढ्छन् तर देउवाले सिधै पास गर्छन् । ३अर्ब फाइदा हुन्छ ।’ मैले त्यसो गरेको भए अहिले समाजवादीको तर्फबाट उम्मेदवार बनेर आउथे होला । पैषा खर्च गरेर पनि चुनाव जित्थे होला । तर तपाईहरुको मतलाई मैले कलंकीत हुन् दिएन् । आज तपाईका अगाडी पुुनः मत माग्न आएको छु । तपाईले मलाई दिएको मतको पद र प्रतिष्ठासंग सैदाबाजी गरेकोभए अहिले तपाईबाट फुुलमाला पाउने थिएन् । नेकपा एमालेलाई जिताउनस् केपी ओलीको नेतृत्वमा बन्ने सरकारमा सामेल भई जिल्लाको विकास र सम्वृद्धिमा खटिनेछु ।”
उनले पार्टी अध्यक्ष केपी ओलीले लिपुलेक, लिम्पीयाधुरा, कालापानी फिर्ता ल्याउने पहल चाल्दा, नाकाबन्दी विरुद्ध बोल्दा, भारतलाई स्वाभीमानको पाठ सिकाउदाँ र चीन संगको व्यापार पारवाहन सम्झौता गर्दा पद जान्छ भन्ने थाहा हुदाँहुदैँ प्रधानमन्त्री पदभन्दा स्वाभिमान ठुुलो हो, पदमा फेरी जनताले पु¥याउन्छन् भन्ने आधारले स्वाभिमानको पक्षमा उभिएको बताए ।
भण्डारीले बैतडीका २ओटै प्रदेशसभा सदस्यका एमाले उम्मेदवार क्षेत्र (क) बाट सुरेन्द्र पाल र (ख) बाट लिलाधर भट्टलाई विजयी गराउन आग्रह गरे ।
उक्त कार्यक्रमको सम्बोधन गर्दै पार्टी जिल्ला अध्यक्ष समेत रहेको बैतडी (क) बाट प्रदेशसभा सदस्यका उम्मेदवार सुरेन्द्र पालले आफुले चुनाव जितेमा विकासका पुर्वाधारहरुको निर्माणमा ध्यान दिने बताए । आफ्नो क्षेत्र भित्रका सबै ठाउँका समस्याबारे जनतासंग विस्तृत छलफल गरि भेगगत र पार्टीगत रुपमा काखापाखा नगरेर विकास गर्ने बताए ।
मंगलबार गन्नामा भएको कार्यक्रममा विभिन्न पार्टी परित्याग गरि २६जनाले एमाले प्रवेश गरेका छन् ।
