बैतडी
बैतडीको पाटन नगरपालिका वडा न.४ ठाँड निवासी मानमती देवी भट्टले यसपाली १सय १३बर्षको उमेरमा मतदान गरेकी छन् । उनले यसअघिका अधिकांश चुनावमा मत हालेकी छन् ।
२०१५ सालमा चुनाव हुदाँ मानमती ४९ बर्षकी थिईन् । उनले त्यसयताका सबै चुनावमा भोट हालेको बताईन् । जेठो मतदाताका कारण उनि पछिल्लो समय हरेक चुुनावका बेला चर्चामा आउने पात्र हुन् । उनले यसपालि छोरा नरेन्द्रको सहयोगमा उदयदेव आधारभूूत विद्यालय स्थीत मतदान स्थलमा मतदान गरेकी हुुन् ।
१सय १३ बर्षको उमेरमा मतदान गरेकी मानमती देवीले अझै विकास निर्माण भएको हेर्ने रहर राखेकी छन् । उनले भनिन् ‘म किसोरावस्थामा भारतको लोहाघाट बाट मकै, चामल बोकेर खाएको व्यक्ति हुँ अहिले सबै ठाउँमा सडक पुगिसक्यो । हामी सल्लाको दियो बालेरै आधा जिवन कटाएका व्यक्ति हौँ अहिले घरघरमा विजुलीबत्ति पुुगेको छ । ओखल–जातो गर्ने चलन हराएको छ । पहिलाको भन्दा निकै सुविधा भएकाले मैले हालेको भोटको सदुपयोग हुन्छ भन्ने लागेको छ ।’
ठाउँठाउँमा स्कूूल खुलेको र स्वास्थ्य सस्थाहरु स्थापना भएको कुरा सुुनाउदैँ उनले भनिन्‘मेरो जेठो छोरा अहिले ७०बर्ष पुुगे तर उ भन्दा अघिका ३ छोराको बाल मृत्यु भएको थियो, तर अहिले हुुदैँन् । सबै क्षेत्रमा विकास भएको छ, अझै केहि बर्ष बाचेमा बढी विकास निर्माण हेर्न पाउथेँ ।’ बैतडी र डडेल्धुरामा समेत घर भएकी मानमतीले बैतडी देखि डडेल्धुरा बैतडी देखी धनगढी २देखी ५ दिनको पैदल यात्रा गरेको समेत सुनाईन् । तिब्र विकास देख्दा उनलाई अझै केहि बर्ष बाँचे हुन्थ्यो जस्तो लाग्दछ ।
मानमतिका ४छोरा २छोरी, १ दर्जन बढी नाती–नातिना तथा पनाती–पनातीना छन् । उनले छोरीहरुलाई कक्षा ७ सम्म पढाइन् भने, छोरा डिग्री पास र २छोरालाई एसएलसी पास गराएकी हुन् । उनका माइला छोरा सिद्धराज यसअघि जिल्ला समन्वय समिति बैतडीका प्रमुख बनेका थिए । ४ छोरा मध्ये ३छोरा राजनितिमै आवद्ध छन् । उनिहरु नेपाली कांग्रेश पार्टीबाट विभिन्न भुमिकामा रहेकाछन् ।
मानमती को उमेर धेरै भएपनि उनि १सय बर्ष नकटेको बृद्ध जस्तो देखिन्छीन् । अहिले समेत उनि खाना पकाउने देखी घरायसी सबै कामहरु गर्न सक्षम छिन् ।
बैतडीमा आइतबार भएको मतदानमा प्रतिनिधिसभामा नेकपा एमाले उम्मेदवार दामोदर भण्डारी र सत्ता गठबन्धनका माओवादी नेता नरेन्द्र कुवर बीच प्रतिस्प्रधा हुने आकलन गरिएको छ । जिल्लामा स्वतन्त्र समेत गरेर ११जना उम्मेदवार छन् । यसैगरी प्रदेशसभा तर्फ समेत एमाले र गठबन्धन बीच तथा प्रदेश (क)मा स्वतन्त्र व्यक्ति समेत प्रतिस्प्रधामा देखिने आकलन गरिएको छ ।
