बैतडीमा ५२ प्रतिशत मत खस्यो, सोमबारबाट गणना गरिने

प्रदेश समाचार

Home
प्रदेश समाचार
बैतडीमा ५२ प्रतिशत मत खस्यो, सोमबारबाट गणना गरिने

बैतडीमा ५२ प्रतिशत मत खस्यो, सोमबारबाट गणना गरिने

मंसिर ४ गते बैतडी,
बैतडीमा ५२ प्रतिशत मत खसेको छ । आइतबार सम्पन्न प्रदेश तथा प्रतिनिधिसभा सदस्य निर्वाचनमा बैतडीमा ७८ हजार ३६९ मत खसेको जिल्ला प्रशासन कार्यालयले जनाएको छ ।
जिल्लाका २११ वटै मतदान केन्द्रबाट ३८ हजार २७७ पुरुष र ४० हजार ९२ महिलागरी ७८ हजार ३६९ मत खसेको जिल्ला निर्वाचन कार्यालय बैतडीले जनाएको छ । बैतडीमा १ लाख ५० हजार १५६ मतदाता रहेका थिए ।
जिल्लामा शान्त वातावरणमा मतदान भएकाले मतपेटिका ढुवानीको काम सुरु भएको जिल्ला प्रहरी कार्यालय बैतडीका प्रमुख, डिएसपी प्रेम शाहीले जानकारी दिए । जिल्ला सदरमुकाम आसपासका मतदान केन्द्रबाट मतपेटिका सदरमुकाम पुर्याइउको छ । अन्य ठाउँबाट ढुवानीको काम भइरहेको उनले बताए । भोली १० बजेभित्रै मतपटिका जिल्ला सदरमुकाम पुग्ने जिल्ला निर्वाचन कार्यालय बैतडीका प्रमुख माधव प्रशाद फुयाँलले जानकारी दिए । भोली दखि नै मत गणना सुरु गरिने पनि उनले बताए ।

प्रकाशित मिति: आइतबार, मंसिर ४, २०७९ १९:५१

प्रतिक्रिया दिनुहोस्