बैतडीमा प्रदेशसभाको गणना आजै सकिने, प्रदेश(क)मा पुर्चाैडीको गणना चल्दै

प्रदेश समाचार

Home
प्रदेश समाचार
बैतडीमा प्रदेशसभाको गणना आजै सकिने, प्रदेश(क)मा पुर्चाैडीको गणना चल्दै

बैतडीमा प्रदेशसभाको गणना आजै सकिने, प्रदेश(क)मा पुर्चाैडीको गणना चल्दै

बैतडी,
बैतडीमा सोमबारबाट मतगणना जारी रहेको छ । प्रतिनिधिसभा, प्रदेशसभा क्षेत्र नं (क) र (ख)को मत गणना अलग अलग नै भइरहेको छ । प्रदेश सभाका गणना आजै सकिने मुख्य निर्वाचन अधिकृतको कार्यालयले जनाएको छ ।
प्रदेशसभा क्षेत्र नं (क)मा पाटन नगरपालिकाको मत गणना सकिएको छ । त्यसैगरी प्रदेशसभा क्षेत्र नं(ख)मा पनि दशरथचन्द नगरपालिका ९, १०र ११ को गणना गर्न बाकी रहेको छ । त्यसपछि दोगडाकेदार गाउँपालिकाको गणना सुरु हुने छ ।
प्रदेशसभाका दुबै क्षेत्रको गणना आजै रातीसम्म भइसक्ने छन् ।
प्रदेशसभा क्षेत्र नं (क)मा एमालेका सुरेन्द्र पालले अग्रता कायमै राखेका छन् । पालले ९०९१ मत ल्याएर अग्रता कायमै राखेका छन् भने हरिमोहन भण्डारीले ८१४४ मत ल्याएर पच्छ्याइरहनु भएको छ । कांग्रेसका बिर बहादुर बिष्टले ६४५० मत ल्याएका छन् । अब पुर्चाैडीको गणना सुरु भएको छ ।
प्रदेशसभा (ख)मा कांग्रेसका शिवराज भट्टले अग्रता कायमै राखेका छन् । शिवराजले १३,१२० मत ल्याउदा एमालेका लिलाधर भट्टले ११,२६९मत ल्याएका छन् ।
त्यसैगरी प्रतिनिधिसभा सदस्यको निर्वाचनमा पञ्चेश्वर गाउँपालिका, डिलासैनी, शिवनाथ गाउँपालिको गणना भइरहेको छ भने मेलौली नगरपालिकामा पनि वडा नं ७ सम्म भइसकेको छ । प्रतिनिधिसभामा पनि २२, ६३२ गणना हुदा एमालेका दामोदर भण्डारीले १०,१५८ ल्याउदा नरेन्द्र कुवँर वियजसुन्दरले ९,५२२ मत ल्याएका छन् ।

प्रकाशित मिति: बुधबार, मंसिर ७, २०७९ ०९:५५

प्रतिक्रिया दिनुहोस्