बैतडीको सुर्नयासहित तीन स्थानिय तहमा पञ्चवर्षीय उर्जा योजना बन्दै

प्रदेश समाचार

Home
प्रदेश समाचार
बैतडीको सुर्नयासहित तीन स्थानिय तहमा पञ्चवर्षीय उर्जा योजना बन्दै

बैतडीको सुर्नयासहित तीन स्थानिय तहमा पञ्चवर्षीय उर्जा योजना बन्दै

surnaya PGM GIZ.jpg

शुरेस महरा / कृष्ण बिष्ट
बैतडी,
बैतडीको तीन स्थानिय तहमा पञ्चवर्षीय उर्जा योजना बनाउन सुरु भएको छ । सीड नेपाल र जीआईजेडको सयुक्त साजेदारीमा स्थानिय तहको योजनामा नविकरणीय मूल प्रवाहीकरण कार्यक्रम अन्तरगत पञ्चवर्षीय उर्जा योजना बनाउन लागिएको हो । बैतडीको सुर्नया गाउँपालिका, पुर्चाैडी नगरपालिका र डिलाशैनी गाउँपालिकामा उर्जा योजना बन्ने भएको हो ।

यसअघि यी तीन वटै पालिकामा उर्जाको अवस्थाको बारेमा सर्बेक्षण समेत गरिएको थियो । पालिकामा बिद्युत पहुँचको अवस्था र बिद्युतीय चुलोको प्रयोग र सोलार प्रयोग हुदै आएका घरधुरीको सर्बेक्षण गरिएको सीड नेपालका कार्यक्र संयोजक मेनु श्रेष्ठले जानकारी दिईन् ।

नेपाल सरकारको २०३० सम्म सबै घरधुरीमा बिद्युतीय चुलो पुर्याउने लक्ष पुरा गर्न यस कार्यक्रमले टेवा पुर्याउने बिश्वास गरिएको छ । अबको पाँचवर्षे योजनाको बारेमा सेवाग्राही तथा पालिकाका जनप्रतिनिधिहरुसँग छलफल समेत गरिएको उनले बताईन् । स्थानियहरुको प्रतक्ष संलग्नतामा छलफल गरेर रिर्पाेट तयार पारीने र बिद्युत प्राधिरण र बैकल्पीक उर्जा प्रबद्र्धन् केन्द्रसँग समुन्वय गरिने उनले बताईन् । उर्जाको क्षेत्रमा बैतडीका तीन वटै पालिकामा २०८३ सम्म के कस्ता कार्यक्रमलाई अघि बढाउने र सोको बजेटीकरणको लागि योजना अघि बढ्ने उनले बताईन् ।

यसैगरी मंगलबार सुर्नया गाउँपालिकामा पालिकास्तरीय उर्जा विकास समिति पनि गठन गरिएको छ । सुर्नया ६ का वडा अध्यक्ष जय बहादुर कुवँरको संयोजकत्वमा ९ सदस्यीय समिति गठन गरिएको हो । उक्त समितिको समुन्वयमा योजना बनाईने छ । सुदूरपश्चिमका २० स्थानिय तहमा उर्जा योजना बन्न लागेको छ ।

प्रकाशित मिति: बुधबार, चैत १६, २०७८ ०२:०९

प्रतिक्रिया दिनुहोस्