बैतडीको पञ्चेश्वरका अध्यक्षलाई पार्टीबाट निष्काशन गर्न एमालेको सिफारिस

प्रदेश समाचार

Home
प्रदेश समाचार
बैतडीको पञ्चेश्वरका अध्यक्षलाई पार्टीबाट निष्काशन गर्न एमालेको सिफारिस

बैतडीको पञ्चेश्वरका अध्यक्षलाई पार्टीबाट निष्काशन गर्न एमालेको सिफारिस

बैतडी, नेकपा एमाले बैतडीले पञ्चेश्वर गाउँपालिकाका अध्यक्ष गोरखबहादुर चन्दलाई साधारण सदस्य समेत नरहनेगरी पार्टीबाट निष्काशन गर्न सिफारिस गरेको छ ।

मंसिर ४ मा सम्पन्न भएको प्रतिनिधिसभा र प्रदेशसभाको निर्वाचनमा पार्टीका उम्मेदवारलाई हराउन भूमिका खेलेको भन्दै जिल्ला कमिटिको बुधबार बसेको बैठकले पार्टीबाट निष्काशन गर्न प्रदेश कमिटिलाई सिफारिस गरेको हो ।

प्रदेशसभा सदस्य तथा एमाले बैतडीका अध्यक्ष सुरेन्द्र पालले चन्दलाई साधारण सदस्य समेत नरहनेगरी पार्टीबाट निष्काशन गर्न प्रदेश कमिटिलाई सिफारिस गरिएको जानकारी दिए । एमालेका प्रदेश कमिटि सचिवालय सदस्य रहेका चन्दलाई पालिका अध्यक्षबाट समेत पदमुक्त गर्न निर्वाचन आयोगलाई सिफारिस गर्न प्रदेश कमिटिलाई आग्रह गरिएको पालले बताए ।

चन्द ३० बैशाखमा सम्पन्न स्थानीय तहको निर्वाचनमा एमालेबाट पञ्चेश्वर गाउँपालिकाको अध्यक्षमा दोस्रो कार्यकालका लागि निर्वाचित भएका थिए । २०७४ सालमा पनि उनी गाउँपालिका अध्यक्षमा निर्वाचित भएर अध्यक्षका रुपमा ५ वर्ष काम गरेका थिए ।

४ मंसिरमा सम्पन्न भएको निर्वाचनबाट प्रतिनिधिसभामा एमालेका प्रदेश कमिटि अध्यक्ष दामोदर भण्डारी र प्रदेशसभा(१) मा जिल्ला अध्यक्ष विजयी भएका थिए तर उनको क्षेत्रमा पर्ने प्रदेशसभा(२) का उम्मेदवार लिलाधर भट्ट भने झिनो मतले पराजीत भएका थिए ।

प्रकाशित मिति: बुधबार, मंसिर २१, २०७९ १९:३५

प्रतिक्रिया दिनुहोस्