पाटन नगरपालिकाको भवनः बाहिर चिटिक्ट, भित्र बालुवामाथी कामचलाउ प्लास्टर

प्रदेश समाचार

Home
प्रदेश समाचार
पाटन नगरपालिकाको भवनः बाहिर चिटिक्ट, भित्र बालुवामाथी कामचलाउ प्लास्टर

पाटन नगरपालिकाको भवनः बाहिर चिटिक्ट, भित्र बालुवामाथी कामचलाउ प्लास्टर

बैतडी,
बैतडीको पाटन नगपालिकाको निर्माणाधिन प्रशासनिक भवनमा ब्यापक त्रुटी देखिएको छ । बाहिर चिटिक्क पारिएको भवनको भित्री संरचना निर्माणमा कमसल समाग्री प्रयोग गरेको भेटिएको हो । सुरुको दुई तलामाथी थपिन लागिएका तेश्रो र चौथो तलामा कमसल समाग्री प्रयोग गरि भवनलाई नै कमजोर पार्न खोजिएको पाटन नगपालिकाका उपप्रमुख कमल बोहराले जानकारी दिए ।
‘बाहिर प्लास्टर गरिएको छ तर भित्र पुरै बालुवा नै बालुवा छ,’ उपप्रमुख बोहराले भने । नगरपालिकामा पछिल्लो समय योजनाहरुको अनुगमन गर्दा केहि अन्य योजनाहरुमा समेत ब्यापक त्रुटी देखिएको उपप्रमुख बोहराले बताए ।
दुई तला निर्माण भई तेश्रो र चौथो तलमा छतको स्तर मिलाउने क्रममा त्रुटी गरेको पाइएको प्राविधिकहरुले बताएका छन् । तेश्रो र चौथो तल थप्नको लागि प्रशंसा शिवलिङ निर्माण कम्पनीसँग २०७८ असारमा २ करोड ८० लाखमा ठेक्का सम्झौता भएको थियो । ठेक्का अवधि २०८० चैत सम्म छ ।
निर्माणको काम जारी नै रहेको र अवधि पनि बाकी नै रहेकाले त्रुटी देखिएको ठाउँमा भोली देखि नै निर्माण गरिने पाटन नगरपालिकाका प्राबिधिक भरत साउँदले जानकारी दिए । ‘निर्माण कम्पनीको ब्यापक त्रुटी देखिएको छ, भोलीदेखि नै त्रुटी देखिएको ठाउँमा पुनः काम हुन्छ,’ उनले भने । निर्माणको जिम्मा पाएको कम्पनीका प्रतिनिधिहरुसँग सम्झौता बमोजिम स्तरीय काम गर्नको लागि निर्देशन भइसकेको पनि प्राबिधिक साउँदले बताए ।

प्रकाशित मिति: सोमबार, मंसिर २६, २०७९ २०:०२

प्रतिक्रिया दिनुहोस्