बैतडीको मोतिनगर–शंकरपुर सडकखण्डमा जिप व्यावसायीले मनोमानी भाडा असुल्दै

प्रदेश समाचार

Home
प्रदेश समाचार
बैतडीको मोतिनगर–शंकरपुर सडकखण्डमा जिप व्यावसायीले मनोमानी भाडा असुल्दै

बैतडीको मोतिनगर–शंकरपुर सडकखण्डमा जिप व्यावसायीले मनोमानी भाडा असुल्दै

Surnaya 6.jpg

बैतडी,२०७९ मंसिर २९
बैतडीका ग्रामिण सडकहरुमा जिप व्यावसायीहरुले मनोमानी भाडा असुल्ने गरेको पाइएको छ । जिल्लाको सुर्नया गाउँपालिका ६ को मोतिनगर– शंकरपुर ग्रामिण सडकखण्डमा नियम विपरित जिप व्यावसायीहरुले मनोमानी भाडा असुलीरहेको स्थानीय युवा सन्तोश अवस्थीले जानकारी दिए । मोतिनगर देखि वडा नं ६ को कार्यालय रिगासम्म १२ किलोमिटरको दुरी छ । उक्त सडकमा जिप व्यावसायीहरुले २५० रुपैयासम्म लिने गरेको उनले गुनासो गरेका छन् ।

जिल्ला प्रशासन कार्यालयले प्रतिकिलोमिटर १० रुपैयाका दरले भाडा निर्धाण गरिएको भएपनि पछिल्लो समयमा जिप व्यावसायीहरुले मनोमानी तवरले भाडा असुल्ने गरेका छन् । जिल्ला प्रशासन कार्यालयले निर्धारण गरेको भाडादर अनुसार उक्त सडकखण्डमा १२० रुपैया कायम रहेको थियो तर जिप व्यावसायीले दोब्बरसम्म भाडा असुल्ने गरेको स्थानीय एवं यात्रुहरुको गुनासो बढेको हो ।

मोतिनगरबाट वडा नं ६ को कार्यालयसम्म १२ किलोमिटर यात्रा गर्ने यात्रुबाट २५० रुपैया लिने गरेका छन् भने ६ किलोमिटरसम्म यात्रा गर्ने यात्रुबाट समेत २५० रुपैया नै लिने गरेको यात्रुहरुको गुनासो रहेको छ ।

प्रकाशित मिति: बिहीबार, मंसिर २९, २०७९ १७:५६

प्रतिक्रिया दिनुहोस्