तालाबन्दी तत्काल बिना सर्त नखोलिए कानुनी कदम चाल्छौ: मेलौली नगरपालिका

प्रदेश समाचार

Home
प्रदेश समाचार
तालाबन्दी तत्काल बिना सर्त नखोलिए कानुनी कदम चाल्छौ: मेलौली नगरपालिका

तालाबन्दी तत्काल बिना सर्त नखोलिए कानुनी कदम चाल्छौ: मेलौली नगरपालिका

बैतडीको मेलौली नगरपालिकाले कार्यालयमा लगाएको ताला खोल्न आग्रह गरेको छ । बुधबार एक प्रेश विज्ञप्ति जारी गर्दै मंगलबार कार्यालय समयपछि जानकारी समेत नगरी एक्कासी तालाबन्दी गरेको बिषयप्रति नगरपालिकाको गम्भिर ध्यानाकर्षण भएको र तालाबन्दी गर्ने पक्षलाई तत्काल ताला खोल्न आग्रह गरेको हो ।

‘स्वास्थ्य मन्त्रालयको परिपत्रका सम्बन्धमा कुनै पनि नगरपालिकाले कुनै पनि धारणा बनाइनसकेको अवस्थामा पालिकाको बदनाम गर्ने र सेवा प्रवाहमा अवरोध सृजना गर्ने गरि गरिएको तालाबन्दी तत्काल विना शर्त खोल्न सम्बन्धीत पक्षलाई अनुरोध गर्दछौ ,अन्यथा नगरपालिका प्रचलित कानुन बमोजीम कदमहरु चाल्न बाध्य हुनेछौ’ कार्यवाहक नगरप्रमुख कृष्ण दत्त भट्ट द्वारा जारी विज्ञप्तीमा भनिएको छ । वडा नं ७ का स्थानीयहरुले १५ शैयाको अस्पताल केशरपुर स्वास्थ्य केन्द्रमै बनाउनुपर्ने माग राख्दै मंगलबार बेलुकी तालाबन्दी गरेका थिए । यस्तै आज वडा १ का स्थानीयहरुले तत्काल ताला खोली सेवा सञ्चालन गर्नुपर्ने भन्दै प्रदर्शन गरेका छन् ।

May be an image of text