बैतडीको सुर्नयामा उपाध्यक्षको कोशेली वितरण

प्रदेश समाचार

Home
प्रदेश समाचार
बैतडीको सुर्नयामा उपाध्यक्षको कोशेली वितरण

बैतडीको सुर्नयामा उपाध्यक्षको कोशेली वितरण

कृष्ण बिष्ट
बैतडी
बैतडीको सुर्नया गाउँपालिकामा हजार दिने महिलाहरुलाई उपाध्यक्षको कोशेली प्रदान गरिएको छ । गाउँपालिकाका सबै वडाहरुमा नियमित गर्भजाँच गरी स्थागत सुत्केरी २२० महिलाहरुलाई कोशेली वितरण गरिएको हो । कोशेलीमा झोला र केहि पोसिलो खानेकुराका परिकारसँगै सरसफाईका सामाग्रीहरु रहेको पालिका उपाध्यक्ष लिला बिष्टले बताइन् । ८ वटै वडामा उक्त कार्यक्रम गरिएको उपाध्यक्ष बिष्टले बताईन् ।
उपाध्यक्ष कोसेली कार्यक्रमबाट झोला र पोसीलो खानेकुरासँगै सरसफाईका समाग्रीहरु प्राप्त गरेपछि खुसी लागेको सुर्नया २ का पार्वती सिङ चन्दले बताईन् । यसले आमा र बच्चाको स्वास्थ्यमा सुधार हुने अपेक्षा गरिएको उनले बताईन् ।
यसैगरी पालिकालाई सस्थागत सुत्केरी पालिका घोषणा कार्यक्रम अन्तरगत बिभिन्न कार्यक्रमहरु सञ्चालनमा रहेको स्वास्थ्य साखा प्रमुख राम सिह महराले बताए । सुत्केरी भएपछि आमा र बच्चाको स्वास्थ्य अवस्था बुझ्न घरमै स्टाफ नर्स खटाउने देखि नियमित स्वास्थ्य चेकजाँच गराउन बिभिन्न प्रोत्साहनका कार्यक्रमहरु ल्याएको उनले बताए । आमा र बच्चाको स्वास्थ्य सुधारको लागि पोषण सुधार कार्यक्रमलाई पनि निरन्तरता दिइएको उनले बताए ।

प्रकाशित मिति: आइतबार, चैत २०, २०७८ ०४:०३

प्रतिक्रिया दिनुहोस्