जिल्ला अस्पताल बैतडी देशभरीमै दोश्रो

प्रदेश समाचार

Home
प्रदेश समाचार
जिल्ला अस्पताल बैतडी देशभरीमै दोश्रो

जिल्ला अस्पताल बैतडी देशभरीमै दोश्रो

बैतडी,
जिल्ला अस्पताल बैतडी न्युनतम स्वास्थ्य मापदण्डमा देशभरीमै दोश्रो स्थानमा रहेको छ । सुदूरपश्चिममा पहिलो स्थानमा आएको बैतडी अस्पताल देशभरीमै दोश्रो स्थानमा रहेका हो ।
९१ प्रतिशतसहित पहिलो स्थानमा रहेको दमौली अस्पतालपछि ८९ प्रतिशतसहित बैतडी अस्पताल दोश्रो स्थानमा रहेको हो ।
अस्पतालको संरचना, व्यवस्थापकीय पक्ष र अस्पतालले प्रवाह गर्ने न्युनतम स्वास्थ्य सेवा र व्यवस्थापनका सूचकको आधारमा गरिएको सर्बेक्षणमा बैतडी अस्पताल दोश्रो स्थानमा रहेको जिल्ला अस्पताल बैतडीका निमित्त मेडिकल सुपरिटेन्डेन्ट डा.दिपेश श्रेष्ठले जानकारी दिए ।
क्षेत्रीय स्वास्थ्य निर्देशनालय डोटी र निक साइन इन्स्टिच्युट गरेको सयुक्त रुपमा अनुगमन गरेको थियो । उक्त अनुगमनमा बैतडी अस्पतालले ८९ प्रतिशत अंक प्राप्त गरको थियो ।
लगातार दोश्रो कार्यकालका लागि जिल्ला अस्पताल बैतडीको अध्यक्ष नियुक्त भएर अस्पतालको व्यवस्थापकिय जिम्मेवारी समालेकी पार्वती भट्टले बैतडीबासीको लागि सुखद पक्ष भएको बताएकी छन् । जिल्ला अस्पतालमा अहिले ८ जना डाक्टरले सेवा दिइरहेका छन् । नवनिर्मित भवनबाट आइसियू सहितको सुबिधा प्रदान भइरहेको छ ।

प्रकाशित मिति: सोमबार, पुस १८, २०७९ १६:४२

प्रतिक्रिया दिनुहोस्