बैतडीको खोडपे बजारमा दर रेटमा एकरुपता, सरसफाईको प्रतिबद्धता

प्रदेश समाचार

Home
प्रदेश समाचार
बैतडीको खोडपे बजारमा दर रेटमा एकरुपता, सरसफाईको प्रतिबद्धता

बैतडीको खोडपे बजारमा दर रेटमा एकरुपता, सरसफाईको प्रतिबद्धता

बैतडी,
बैतडीसहित बझाङ र दार्चुला जिल्लाको जक्सन मानिएको खोडपे बजारलाई व्यवस्थित गर्न छलफल जारी रहेको छ । बुधबारपनि बजार क्षेत्रका होटल व्यावसायीसँग छलफल गरिएको छ । केहि आवस्यक निर्णयहरु पनि भएका छन् । जनप्रतिनिधि, बजार व्यवस्थापन समितीका पदाधिकारी र होटल व्यावसायीबचि छलफल भएको हो । होटल व्यवासायीहले अनिवार्य मूल्यशुची राख्ने, मूल्य सूचीमा एकरुपता कायम गर्ने विषयमा निर्णय गरिएको वडा अध्यक्ष हरिश बिष्टले बताए ।

यसअघि सरसफाई र अव्यवस्थीत पार्कीङ्लाई रोक्ने विषयमा भएको सहमती कार्यान्वयनमा पनि होटल व्यावसायीसँग आग्रह गरिएको थियो । यसैगरी जून व्यावसायीक प्रयोजनको लागि पसल दर्ता गरिएको छ सोही प्रयोजनका समान बिक्रि वितरण गर्नुपर्ने पनि निर्णय गरिएको बजार वयवस्थापन समितिका उपाध्यक्ष कृष्ण सिंह भाटले जानकारी दिए । किराना पसललेले किरानासँग सम्बन्धित वस्तुहरुमात्रै विक्रि वितरण गर्न पाउने उनले बताए । व्यावसायीक प्रयोजनमा कुनै एक वस्तुमात्रै बिक्रि गर्ने उल्लेख गरी दर्ता गरेको भएपनि अन्य वस्तुहरुपनि बिक्रि वितरण गर्ने गरकाले यस्तो निर्णय गरिएको उनले बताए ।

फोहोर संकलन तथा व्यवस्थापनको लागि आउने नगरपालिकाको टिप्परले नियमित संचालन हुनु पर्ने पनि माग गरिएको छ । हप्ताको ३ दिन नियमित फोहोर संकलन आउने गर्दछ । सोही अनुसार फोहोर व्यवस्थापनका लागि नगरपालिकाले नियमितरुपमा हप्ताको ३ दिन अनिवार्य टिप्पर सञ्चालनको विषयमा कडाइ गरिने वडा अध्यक्ष बिष्टले बताए ।

यसैगरी खोडपे बजारलाई आन्तरिक पर्यटकको रोजाइको बजार बनाउनको लागि सबैले लाग्नुपर्ने वडाअध्यक्ष हरिश बिष्टले बताए । खोडपे बजारलाई अन्य छिमेकी जिल्ला र बजारका ब्याक्तीहरुलाई खोडपे बजारलाई रोजाईको बजारको रुपमा चिनाउन सबैले लाग्नुपर्नेमा जोड दिए ।

प्रकाशित मिति: बुधबार, माघ ११, २०७९ १८:२८

प्रतिक्रिया दिनुहोस्