लागुऔषध चरेशसहित बैतडीमा एक जना पक्राउ

प्रदेश समाचार

Home
प्रदेश समाचार
लागुऔषध चरेशसहित बैतडीमा एक जना पक्राउ

लागुऔषध चरेशसहित बैतडीमा एक जना पक्राउ

बैतडीमा लागुऔषध चरेशसहित थप एक जना पक्राउ परेका छन् । जिल्लाको सुर्नया गाउँपालिका १ हटैराज गुर्केलीका २५ बर्षीय दीपक चन्द लागुऔषध चरेश सहित पक्राउ परेको जिल्ला प्रहरी कार्यालयका प्रवक्ता प्रहरी निरीक्षक योगेश खत्रीले बताए । उनले सञ्चालन गर्दै आएको पसल र घरमा खानतलासी गर्दा १ सय ९९ ग्राम चरेश सहित सोमबार पक्राउ गरिएको उनले जानकारी दिए । अदालतबाट म्याद थपेर उनीमाथि अनुसन्धान भइरहेको प्रहरीले जनाएको छ ।

पछिल्लो समय जिल्ला प्रहरी कार्यालय बैतडीले लागुऔषध नियन्त्रणका लागि सक्रियता बढाएको छ । यसअघि दशरथचन्द नगरपालिका ८ त्रिपुराबाट २८० ग्राम चरेशसहित ५० बर्षिय नारायण सिह थापालाई प्रहरीले पक्राउ गरेको थियो । उनलाई जिल्ला अदालतबाट ५ दिनको म्याद थप गरेर अनुसन्धान भैरहेको प्रहरीले जनाएको छ ।

आइतबार पनि जिल्लाको दोगाडाकेदार गाउँपालिका ७ का वीर सिह कार्कीलाई सय ग्राम चरेश पक्राउ परेका थिए । उनलाई सोमबार जिल्ला अदालतबाट ४ दिनको म्याद थप गरेर अनुसन्धान भैरहेको प्रहरी निरीक्षक खत्रीले जानकारी दिए ।

प्रकाशित मिति: मंगलबार, माघ १७, २०७९ १२:०२

प्रतिक्रिया दिनुहोस्