बैतडीमा युवक मृत्यु प्रकरणः मृतकको खल्तीमा प्रहरीमा दिन तयार पारिएको निवेदन भेटियो !

प्रदेश समाचार

Home
प्रदेश समाचार
बैतडीमा युवक मृत्यु प्रकरणः मृतकको खल्तीमा प्रहरीमा दिन तयार पारिएको निवेदन भेटियो !

बैतडीमा युवक मृत्यु प्रकरणः मृतकको खल्तीमा प्रहरीमा दिन तयार पारिएको निवेदन भेटियो ! होटलमा काम गरेको पैसा लिन आएका थिए पाटन

स्टार बुलेटिन शुक्रबार, माघ २०, २०७९

बैतडी,
बैतडीको पाटन नगरपालिका ६ को गबरजल ढ्वानी भिरमा मृत फेला परेका युवकको शव पोष्टमाटमको तयारी थालिएको छ । डडेल्धुराको नवदुर्गा गाउँपालिका ५ का २० वर्षीय पदम आज अवस्थीको शवको पाटन प्राथमिक स्वास्थ्य केन्द्रमा पोष्टमाटमको तयारी थालिएको प्रहरीले जनाएको छ ।
अवस्थीको शव बिहिबार अप्रान्ह करिब ४ बजेको समयमा गबरजल ढ्वानी भिरमा फेला परेका थियो । आफनतले भने लडेर मृत्यु नभई हत्या गरेर फालेको भन्दै छानबिनको माग गरेका छन् । घटनाको सत्यतथ्य छानबिनिको लागि निवेदन दिएको समेत मृतकका आफन्त ठानेश्वर प्रशाद अवस्थीले जानकारी दिए । मृतक पदमराज अवस्थी पाटन बजारमा रहेको एक होटेलमा बिगतमा कार्यरत रहेको र उनि यहि माघ १७ गते होटलमा काम गरेको पारीश्रमिक लिनभनी पाटन आएको बुझिएको छ ।
आफन्त ठानेश्वर प्रशाद अवस्थीका अनुसार माघ १८ गते मृतक पदमले पारीश्रमिक नदिएको विषयमा प्रहरीमा निबेदन दिने तयारी थालेको थिए । माघ १८ गतेको मिति उल्लेख गरिएको निवेदनको एक प्रति पदमको खल्तीमा भेटिएको छ । आफन्तको भनाइ अनुसार माघ २३ गते मिति उल्लेख गरिएको १० हजारको चेक समेत भेटिएको छ ।
आफन्तका अनुसार आखाँमा चोट लागेको छ भने शरिरका विभिन्न ठाउँमा निलडामहरु रहेका छन् । ‘मृत फेला परेको ठाउँ वरपर हाम्रा कोई पनि आफन्त छैनन्, नत्र किन गयो त्यो ठाउँमा?, हाम्रो पूर्ण संका हो मारेर त्यहा फालेको हो’ एक आफन्तले भने ।

प्रकाशित मिति: शुक्रबार, माघ २०, २०७९ १९:५८

प्रतिक्रिया दिनुहोस्