बैतडीको खोडपेमा कोल्ड स्टोर निर्माण सुरु, यस क्षेत्रकै ठुलो स्टोर बन्ने

प्रदेश समाचार

Home
प्रदेश समाचार
बैतडीको खोडपेमा कोल्ड स्टोर निर्माण सुरु, यस क्षेत्रकै ठुलो स्टोर बन्ने

बैतडीको खोडपेमा कोल्ड स्टोर निर्माण सुरु, यस क्षेत्रकै ठुलो स्टोर बन्ने

बैतडी,
बैतडीको पाटन नगरपालिका– ८ खोडपेमा कोल्ड स्टोर(सीत भण्डार गृह) निर्माण सुरु भएको छ । खोडपे–बझाङ सडकखण्डमा पर्ने धारी गाउँको बेताडासैना भन्ने स्थानमा कोल्ड स्टोर निर्माण कार्य सुरु गरिएको छ । नयाँ शहरी विकास आयोजना अन्तरगत यस वर्ष ८६ लाखको ठेक्का खोलिएको र सोही अनुसार निर्माण प्रक्रिया सुरु भएको वडा नं ८ का वडा अध्यक्ष हरिश बिष्टले जानकारी दिए । यहाँ बन्न लागेको सीत भण्डार गृह यस क्षत्रकै सबैभन्दा ठुलो भण्डार गृह बन्ने दाबी गरिएको छ । करिब १७ सय स्क्वायर फिट क्षेत्रफलमा बन्न लागेको यो भण्डार गृह यस क्षेत्रकै सबैभन्दा ठुलो बन्ने नयाँ शहरी विकास आयोजनाको कार्यालय पाटनका इन्जिनियर रोहीतराज भण्डारीले जानकारी दिए । बहुवर्षीय योजना रहेको र क्रमागत बजेटको आधारमा निर्माण कार्य सम्पन्न गरिने उनले बताए । करिब ४ करोड लागत अनुमान गरिएको छ ।
जिल्लाको पाटन नगरपालिका ८, ९ र १० कृषि पकेट क्षेत्र हुन् । यी तीन वटै वडालाई प्रत्यक्ष लाभ पुग्नेगरी कोल्ड स्टोर सञ्चालनमा ल्याइने वडा अध्यक्ष हरिश बिष्टले बताए । तरकारी तथा कृषि पकेट क्षेत्रको रुपमा रहेका यी तीन वटै वडालाई प्रतक्ष फाइदा पुग्ने गरि सञ्चालनमा ल्याइने उनले बताए ।
यसैगरी खोडपे बजारमै निर्माण सम्पन्न भएको कोल्ड स्टोर सञ्चालनमा आएको छैन । व्यावसायीक प्रयोजनको लागि अनुदानमा खोलिएको सितभण्डार गृह सञ्चालको ढिलासुस्तीका कारण सञ्चालनमा आउन नसकेको हो । यस अघि अनुदानमा निर्माण गरिएको सित भण्डार सञ्चालकले चासो नराख्दा सञ्चालनमा आउन नसकेको वडा कार्यालयले जनाएको छ ।

प्रकाशित मिति: आइतबार, माघ २२, २०७९ १४:४४

प्रतिक्रिया दिनुहोस्