प्रेस चौतारीको स्थापना दिवसः आर्थिक अवस्था कमजोर भएकालाई सहयोग

प्रदेश समाचार

Home
प्रदेश समाचार
प्रेस चौतारीको स्थापना दिवसः आर्थिक अवस्था कमजोर भएकालाई सहयोग

प्रेस चौतारीको स्थापना दिवसः आर्थिक अवस्था कमजोर भएकालाई सहयोग

प्रेस चौतारी नेपालको २५औं स्थापना दिवसको अवसरमा गरिब परिवारलाई सहयोगगरिएको छ । बैतडीको दशरथचन्द नगरपालिका–८, सिमलेक गाउँको एक झुपडीमा बाख्रासँगैको गोठमा बस्दै आएका गोपाल महरको महरको परिवारलाई खाद्यान्न तथा लुगाकपडा सहयोग गरिएको हो ।
गोपाल महर, सरिता महर र उहाँका दुई बालिकालिकाका पशुचौपायासहित छाप्रोमा बस्दै आईरहेका छन् ।
खान नपाएर भोकै बसेका घरपरिवार र बालकालिकालाई खाद्यान्न, लुगाकपडा,कापीकलम र सोलार टुकी वितरण गरिएको छ । दिवसको अवसर पारेर बैतडीका सञ्चारकर्मीले खाजा खर्च कटाएर उक्त सहयोग गरेका हुन् ।
खाद्यान्न र लुगाकपडाका लागि गोरखापत्रकर्मी गोकर्ण दयाल, पत्रकार लोकेश साउद, नरी बडू, सुरेश अवस्थीले खाद्यान्न सहयोग, आर्थिक सहयोगमा नरेन्द्र अवस्थी, आनन्द थापा, सम्राट चन्द, स्थानीय केवुल नेटर्क व्यवसायी दानसिंह थापाले पाँचहजार रुपियाँ, ग्वाल्लेक फेन्सी स्टोरले लुगाकपडा, डिएन सुज सेन्टरले जुत्ता, चप्पल, पुष्पाजली बिजुली भण्डारले सोलार टुकी र समाजसेवी गोविन्दराज जोशीले कम्बल र बाल्टी उपलब्ध गराएका हुन् ।
सञ्चारकर्मीको अगुवाईमा जुटेको खाद्यान्न र सहयोग सामग्री दशरथचन्द नगरपालिकाका प्रमुख पुष्करराज जोशी (लख्खाभाइ) मार्फत हस्तान्तरण गरिएको थियो ।

प्रकाशित मिति: आइतबार, माघ २२, २०७९ १८:३७

प्रतिक्रिया दिनुहोस्