बैतडी जिल्ला स्तरीय राष्टपति रनिङ शिल्ड प्रतियोगिताको औपचारीक रुपमा उद्घाटन

प्रदेश समाचार

Home
प्रदेश समाचार
बैतडी जिल्ला स्तरीय राष्टपति रनिङ शिल्ड प्रतियोगिताको औपचारीक रुपमा उद्घाटन

बैतडी जिल्ला स्तरीय राष्टपति रनिङ शिल्ड प्रतियोगिताको औपचारीक रुपमा उद्घाटन

बैतडी जिल्लास्तरीय १३औं राष्ट्रपति रनिङ शिल्ड प्रतियोगिताको शुक्रबार औपचारिक रुपमा उद्दघाटन गरिएको छ । आज बिहानैदेखि प्रतियोगिता अन्तर्गत एथलेटिक्सका खेलहरु शुरु गरिएका भएपनि प्रतियोगिताको भने दिउँसो औपचारिक कार्यक्रमको आयोजना गरेर उद्दघाटन गरिएको हो ।

बैतडी जिल्ला खेलकुद विकास समितिका अध्यक्ष चमनकुमार भण्डारीको अध्यक्षतामा भएको प्रतियोगिता उद्दघाटन समारोहमा सुदूरपश्चिम प्रदेशसभा सदस्य जानकी ऐर बम प्रमुख अतिथी रहेकी थिइन् । प्रतियोगिताको उद्दघाटन सत्रमा जिल्ला समन्वय समितिका प्रमुख खगेन्द्रसिंह धामी बिशिष्ट अतिथी रहेका थिए ।

यस्तै जिल्लाका १० ओटै स्थानीय तहका प्रमुख तथा प्रतिनिधि, विभिन्न राजनीतिक दलका प्रमुख तथा प्रतिनिधि,प्रशिक्षक,खेलाडी लगायतको उद्दघाटन समारोहमा सहभागिता रहेको थियो ।

फागुन १४ गते सम्म सञ्चालन हुने प्रतियोगितामा १० ओटै स्थानीय तहका टीमहरुको सहभागिता रहेको छ । प्रतियोगिता अन्तर्गत छात्रछात्रा भलिबल, एथलेटिक्स र छात्रछात्रा कबड्डी प्रतियोगिता सञ्चालन हुने जिल्ला खेलकुद विकास समितिले जनाएको छ ।

प्रतियोगिताको विजेता टीमलाई नगद पुरस्कारसहित शिल्ड,ट्रफी र प्रमाणपत्र प्रदान गरिने आयोजकले जनाएको छ ।

प्रकाशित मिति: शुक्रबार, फागुन १२, २०७९ १५:२०

प्रतिक्रिया दिनुहोस्