बैतडीको खोडपे बजार अनुगमन

प्रदेश समाचार

Home
प्रदेश समाचार
बैतडीको खोडपे बजार अनुगमन

बैतडीको खोडपे बजार अनुगमन

बैतडी,
बैतडीको पाटन नगरपालिका ८ खोडपे बजारको अनुगमन गरिएको छ । वडा नं ८ का वडा अध्यक्ष हरिश बिष्टको नेतृत्वमा बजार व्यवस्थापन समितिका अध्यक्ष राम सिंह बिष्ट, बजार व्यवस्थापन समितिका पदाधिकारी र स्वास्थ्य चौकी इन्चार्ज जयराज भट्टको सहभागितामा खोडपे बजार अनुगमन गरिएको हो ।

बजारमा रहेका पसलहरु दर्ता गरे/नगरेको, पसलमा मुल्यसूची राखे/नराखेको, सरसफाईको अवस्था लगायतका विषयमा अनुगमन गरिएको हो । बजार क्षेत्रको पछाडीपट्टी फोहोर बढी देखिएकाले सम्बन्धीत पसलधनी तथा घरधनीहरुलाई तुरन्तै सरसफाई गर्न निर्देशन दिइएको बजार व्यवस्थापन समितिका उपाध्यक्ष कृष्ण सिंह भाटले बताए ।

खोडपे बजार क्षेत्रमा छोटो तथा लामो दुरीका सवारी साधनहरु रोक्ने क्रममा यात्रुहरुले वथाभावी फोहोर फाल्ने गरेको जनगुनासो बढेकाले सम्बन्धीत सवारी व्यवयासयी र सवारी स्टाफ मार्फत फोहोर नगर्न जानकारी गराउने विषयमा निर्देशन जारी गरिएको वडा अध्यक्ष हरिश बिष्टले जानकारी दिए । बजार क्षेत्रमा मुल्यमा पनि एकरुता नहुने गरेको समेत जनगुनासो बढेकाले सबैले अनिवार्य मुल्यसूचीय राख्नुपर्ने बताइएको छ ।

यसैगरी आज बजार क्षेत्रका पसलहरुबाट म्याद नाघोका बस्तुहरुको अनुगमन पनि गरिएको छ । बजार व्यवस्थापन समितिका अनुसार केहि पसलहरुको अनुगमन गर्न बाकि रहेकाले भोली अनुगमन गरिने बताइएको छ ।

खोडपे बजार क्षेत्र हर्न निषेधित क्षेत्र समेत घोषणा गरिएको क्षेत्र हो । त्यसैगरी पछिलो समय बजार व्यवस्थापन समिति सक्रिय बन्दै गएको छ ।

प्रकाशित मिति: सोमबार, फागुन १५, २०७९ १६:२७

प्रतिक्रिया दिनुहोस्