दोगडाकेदार कांग्रेसमा विवाद कायम रहेको तरुण दल अध्यक्ष भट्टको भनाई

प्रदेश समाचार

Home
प्रदेश समाचार
दोगडाकेदार कांग्रेसमा विवाद कायम रहेको तरुण दल अध्यक्ष भट्टको भनाई

दोगडाकेदार कांग्रेसमा विवाद कायम रहेको तरुण दल अध्यक्ष भट्टको भनाई

Tarun Dal Adhxya Baitadi.jpg

बैतडी,
आसन्न स्थानियतहको निर्वाचनका लागी विभिन्न पालिकामा उमेदवार छनोट प्रक्रिया जारी रहेको छ । बैतडीको दोगडाकेदार गाउँपालिकाको अध्यक्षका लागी नेपाली कांग्रेसको गाउँपालिका कार्यसमितीले देवराज जोशीलाई सर्वसम्मत उमेदवारका लागी सिफारिस गरेको छ ।

जोशीलाई सर्वसम्मत उमेदवार बनाएको बिषयमा तरुण दल बैतडीका अध्यक्ष घनस्याम भट्टले असन्तुष्टी व्यक्त गरेकाछन् ।

यसअघि २०७४ सालको निर्वाचनमा कांग्रेसले गाउँपालिका अध्यक्षका उमेदवार बनाएका भट्टले दोगडाकेदारमा सर्वसम्मत निर्णय नभएको बताए ।

उनले भने,‘अध्यक्षको उमेदवार भएका व्यक्ति २०७४को निर्वाचनमा अन्तरघात गरेको भन्दै पार्टीले कारवाही गरेका व्यक्ति हुन् । अहिले उहाँनै उमेदवार भएपनी सर्वसम्मत होइनन् । बैठकमा फरक मत राख्ने सदस्य लाई बोलाइएकै थिएन् । पुर्व जिल्ला कोषाध्यक्ष सहित २जनाले बैठक बहिस्कार गरेका थिए । पहिलो दिन म संग हात हालाहालको स्थीति आयो । यस प्रकारले उमेदवार छनोट भएको बिषयमा मेरो पुर्ण असन्तुष्टी छ । मैले मेरो नाम अध्यक्षको उमेदवारका लागी सिफारिस गरिदिन निवेदन पठाएको छु तर वास्ता गरिएन् । हुलाक मार्फत चिठी पठाएको थिएँ उक्त चिठी समेत स्वीकार गरेन भन्ने सुनियो । बैठकमा उपस्थीत मुख्य व्यक्तीहरुको म्यासेन्जरमा चिठी पठाएको छु । पार्टीको जिल्ला कार्यसमिती, प्रदेश कार्यसमिती र केन्द्रीय कार्यसमितीलाई बोधार्थ पठाएको छु । यति गर्दागर्दै पनी पेलेर लैजाने काम हुन्छ भने म कुनैपनी राजनितिक निर्णय गर्न बाध्य हुनेछु । म कम्युनिष्ट हुनु बाहेक कुनैपनी निर्णय गर्छु ।’ उनले आफु मन्दीरमा गएको समयमा एकजनाको मात्रै नाम सिफारिस गर्नु दुःखद भएको बताए ।

यता गाउँपालिका अध्यक्षका उमेदवार चयन भएका जोशी भने, प्रचारप्रसारका लागी गाउँघर केन्द्रीत भैसकेकाछन् । जोशी नेपाली कांग्रेसका बैतडी जिल्ला सचिव हुन् । आफ्नो उमेदवारीमा कसैको विरोध नरहेको उनको भनाई छ । जोशीले भने,‘गाउँपालिका कार्यसमितिको बैठकमा घनस्याम जी उपस्थीत नै भएनन्, उनलाई बोलाउन पार्टी सभापती घरमै पुग्नुभयो तैपनी आएनन् । नआएपछी बैठक तीनदिन सारियो उहाँ मन्दीर बस्नुभएको रहेछ । त्यसपछी गाउँपालिका कार्यसमितीको बैठक बस्यो । मैले उमेदवारका लागी दावी गर्दा कसैलेपनी बिरोध गरेनन् । एकै आवाजमा सर्वसम्मत निर्णयबाट उमेदवार घोषणा भएको हुँ । जिल्ला कार्यसमितीले सोही आधारमा प्रदेश कार्यसमितीलाई सिफारिस गर्छ र प्रदेशले टिकट प्रदान गर्नेछ । घनस्याम जी स्वंयले पटक–पटक मलाईनै उमेदवार भएको बताउदैँ आउनुभएको थियो । उहाँको असन्तुष्टी छ जस्तो मलाई लाग्दैन् ।’

प्रकाशित मिति: शनिबार, चैत २६, २०७८ १९:३१

प्रतिक्रिया दिनुहोस्