बैतडीकाे पाटन नगरपालिका ९ माई रयाकाे सिद्धेश्वर माध्यमिक विद्यालय हुक्केडाणाँले सार्वजनिक सुणाई गरयाे हाे। एई बर्षका हाेरीका कार्यक्रममाई उठायाकाे रुप्या मध्ये कति रुप्या खर्च भया रे कति रुप्या बच्या तै बारेमाई सब्बै अभिभावक, समाज सेवी रे वुद्धिजिवीन्लाई जणायाे हाे। दुई लाख चाैद्ध हजार अन्ठानब्बै रुप्या हाेरीका कार्यक्रम बठेई उठयाका रे तै मध्ये अड्तिस हजार आठ् साै पैँतिस रुप्या खर्चियाका रे एकलाख पच्हत्तर हजार दुई साै तिरसाट्टी रुप्या बच्याकाे तै कार्यक्रममा उपस्थित भयाका सबै मान्सुनले जाण्याे। तसेरी सार्वजनिक सुणाई कार्यक्रममाई कक्षा १० का विद्यार्थीन्की विदाई रे एसईई माई सहभागी हन्नारया विद्यार्थीन्लाई शैक्षिक सफल्ताकी लेखा शुभकामना सितै मायाकाे चिनाेलै दिईयाकाे विद्यालय व्यवस्थापन समितीका अध्यक्ष प्रेम भाटले बतायाे हाे।ईसेरी कनाई सबै सङ्सस्थनले आफनाे खर्च रे बचतकी सार्वजनिक सुणाई गद्धाई रयाले सबैकाे चित्त बुजिन्या रे तै सितै दातालै झिक्क थपिन्या सबै मान्सुनकी बुजाईछ ।
