सीपी लोहिया/बझांग
नेकपा(एमाले)का अध्यक्ष एंव पुर्व प्रधानमन्त्री केपी ओलीले सोमबार बझांग जिल्लाका मतदाताहरुलाई सम्बोधन गरेकाछन् ।
एमाले प्रतिपक्षमा भएपनी एमाले प्रति जन आर्कषर्ण भएको बताउनु भएको छ । नेकपा एमाले जनताको पार्टी भएकाले एमालेमा गोलबन्ध हुन आग्रह गरे ।
उनले एमाले बालबालिका देखी बृद्धबृद्धाको पक्षधर पार्टी भएको बताए । आधाुनिक नेपाल निर्माणको अभियानमा लागेको बताए ।
ओलीले भने,‘जब नेकपा(एमाले) पहिलो पटक सरकारमा सहभागी भयो, आफ्नो गाउँ आफै बनाउँ अभियान, सामाजिक सुरक्षा भत्ता वितरण लगायतका उत्कृष्ट कार्यक्रम ल्यायो ।’
ओलीले थपे ‘एमालेले जति पटक सरकारको नेतृत्व गर्यो विकास निर्माणमा उत्कृष्ट भुमिका खेल्दै आएको छ । एमाले नेतृत्वको सरकार सधैँ निर्माण कार्य गरेर अर्थतन्त्रको विकास गर्छ, तर अहिलेको गठबन्धन सरकारले अर्थतन्त्र समाप्त गरिसक्यो । यो सरकार ५ भाई खन्चुवा भाइहरुको समुह हो ।’
अध्यक्ष ओलीले सेती नदिमा आएको बाढीले बझांग र बैतडीमा अथाह क्षती गर्दा पनि वर्तमान सरकारले कुनै काम नगरेको आरोप लगाए ।
उनले भने,‘प्रधमनमन्त्री, गृहमन्त्री, प्रदेश सरकारका मुख्यमन्त्री बाढी प्रभावीत ठाउँमा पुगेपनी कुनै काम गरेनन् । सेती नदीमा तटबन्ध निर्माण गरी खेतीयोग्य फाँटहरु जोगाउन एमाले प्रतिवद्ध छ । भत्केका घरहरु एमालेले निर्माण गर्छ ।’ अध्यक्ष ओलीले बझांग जिल्लाका साथै सुदुरपश्चिममा पर्यटनको प्रचुर सम्भावनाहरुको व्यवस्थापन गर्न एमालेले योजना बनाएको बताए । यस क्षेत्रका पर्यटकिय धरहरहरुको व्यवस्थापन गर्नुका साथै सडक बाटो विद्युत पर्यटन लगायतका सबै योजनाहरुको निर्माण गर्ने बताए ।
वर्तमान सरकार चुनाव सार्ने कोसिस गरिरहेको बताउदैँ अध्यक्ष ओलीले सरकारको त्यो प्रपन्च पुरा हुन नदिने दावी गरे ।
पाँच दलीय गठबन्धन जति ठुलो भएको भनिएपनी एमाले जति हुनै नसक्ने दावी गरे । सत्तारुढ दलहरुको गठबन्धनलाई व्यंग गर्दैै ओलीले ५ बाख्राहरु एकै ठाउँमा आएपनी भैसि बन्न नसक्ने बताए । देशभर एमालेको पक्षमा जनलहर रहेको ओलीको दावी छ ।
