दार्चुलामा पहिलो पटक महिला सीडीओ

प्रदेश समाचार

Home
प्रदेश समाचार
दार्चुलामा पहिलो पटक महिला सीडीओ

दार्चुलामा पहिलो पटक महिला सीडीओ

गृह मन्त्रालयले दार्चुलाको नयाँ सीडिओमा किरण जोशीलाई पठाएको छ । जोशी सुदूरपश्चिमकै पहिलो महिला सीडिओ बन्न सफल हुनुभएको छ । गृह मन्त्रालयले हिजो बिहीबार गरेको निर्णयअनुसार जोशीलाई शुक्रबार दार्चुला सरुवा गरेर पठाएको हो ।

आफू जन्मेकै प्रदेशमा बसेर देश र जनताको सेवा गर्ने अवसर पाएकोमा उहाँले खुशी लागेको बताउनुभयो । जोशी सुदूरपश्चिमबाट खुला प्रतिस्पर्धाबाट उपसचिव पदमा नाम निकाल्नुभएको पहिलो महिला हुनुुहुन्छ । बैतडेमा जन्मनुभएका जोशी यसअघि डोटीको सहायक सीडिओ भएर गृह प्रशासनको जिम्मेवारी निर्वाह गर्नुभएको थियो ।

जोशी जनप्रशासन विषयमा स्नातकोत्तर र कानुनमा स्नातक हुनुहुन्छ । उहाँले लोकसेवासम्बन्धी पुस्तकसमेत लेख्नुभएको छ । हालसम्म खरिदार, उपसचिव र सहसचिव स्तरको लोकसेवा तयारीका पुस्तक लेखेको उहाँले बताउनुभयो । निजामति सेवामै रहनुभएका उहाँले श्रीमान सिद्धराज जोशीसँगको सहकार्यमा पुस्तक लेख्नुभएको हो । सिद्धराज जोशी यसअघि बैतडी, दार्चुलाको सीडिओ भइसक्नुभएको छ ।

प्रकाशित मिति: शुक्रबार, चैत १०, २०७९ १६:२५

प्रतिक्रिया दिनुहोस्