दक्षिणपन्थी अवसरवाद र संगठनात्मक अराजकतालाई पराजित गर्न ’मिसन ग्रास रुट’ : प्रकाश शाह

प्रदेश समाचार

Home
प्रदेश समाचार
दक्षिणपन्थी अवसरवाद र संगठनात्मक अराजकतालाई पराजित गर्न ’मिसन ग्रास रुट’ : प्रकाश शाह

दक्षिणपन्थी अवसरवाद र संगठनात्मक अराजकतालाई पराजित गर्न ’मिसन ग्रास रुट’ : प्रकाश शाह

बझाङ । नेकपा एमालेका केन्द्रिय सदस्य तथा पुर्व मन्त्री प्रकाशबहादुर शाहले दक्षिणपन्थी अवसरवाद र संगठनात्मक अराजकतालाई पराजित गर्न ’मिसन ग्रास रुट’ अभियान सञ्चालन गरिएको बताएका छन् । उनले विदेशी शक्तिको हस्तक्षेपले देश खतरामा रहेको बताए । शनिबार बझाङको बित्थडचिर गाउँपालिकामा आयोजित मिसन ग्रास रुट तथा संगठन सुदृढीकरण एवम् विस्तार अभियानमा बोल्दै सो कुरा बताएका हुन् ।
यस्तै पार्टी आधारभूत तहमा बलियो हुन जरुरी रहेको नेता शाहले बताए । उनले संगठन विस्तार तथा सुदृढीकरण मुख्य उद्देश्य रहेको बताए । उनले भने ‘देश ठूलो खतरामा छ, देशमा विदेशी शक्तिले हस्तक्षेप गरिएको र राष्ट्रघाती सन्धि सम्झौताहरु भइरहेका छन यस्ता राष्ट्रघाती सम्झौताबाट देशलाई जोगाउन एमाले बलियो हुनुपर्छ ।’ उनले नेकपा एमाले राष्ट्रवादी पार्टी भएकोले देश जोगाउन एमाले बलियो हुनुपर्ने जरुरी रहेको बताए ।
यस्तै कार्यक्रममा नेकपा एमाले सुदूरपश्चिम प्रदेश कमिटी सचिवालय सदस्य दिलबहादुर भण्डारीले मिसन ग्रास रुट अभियानको बिषयमा प्रकाश पारे भने यो अभियानलाई सफल पार्न सबैलाई आग्रह गरे । उनले हामिले अब समृद्धीको लडाइ लड्नु पर्ने बताए । जबजको सिद्धान्तलाई अनुसरण गरेर ग्रास रुटमा काम गर्नुपर्ने बताए । कार्यक्रममा एमाले बित्थडचिर गाउँपालिका कमिटी अध्यक्ष दिपेन्द्र बोहराले पार्टी राजनीति प्रतिवेदन प्रस्तुत गरेका थिए । उनले समग्र प्रगति तथा हालको अवस्था बारे प्रकाश पारेका थिए भने संगठन विस्तारमा सबैले लाग्नुपर्ने धारणा राखेका थिए ।
उक्त अभियानमा उनीहरूसहित एमालेका प्रदेश कमिटी सदस्य भागरथी जोशी, हर्कबहादुर धामी, जिल्ला कमिटी सदस्य लोकेन्द्र बोहरा, हर्क धामी लगायतले सम्बोधन गरेका थिए

प्रकाशित मिति: शनिबार, चैत ११, २०७९ १७:३८

प्रतिक्रिया दिनुहोस्