बैतडी : निङ्गलाशैनी भगवती मन्दिरमा पशु बलिसहित जात्रा सम्पन्न

प्रदेश समाचार

Home
प्रदेश समाचार
बैतडी : निङ्गलाशैनी भगवती मन्दिरमा पशु बलिसहित जात्रा सम्पन्न

बैतडी : निङ्गलाशैनी भगवती मन्दिरमा पशु बलिसहित जात्रा सम्पन्न

mela.jpg

बैतडीको देहीमाण्डौमा रहेको प्रसिद्ध निङ्गलाशैनी भगवती मन्दिरमा पशु बलिसहित जात्रा सम्पन्न भएको छ । मंगलबारदेखी सुरु भएको जात्रा चैते दशैँको पशु बलिसहित सम्पन्न भएको हो । निङ्गलाशैनी भगवती धार्मिक सेवा समितिका अध्यक्ष मुखिया मानबहादुर बोहराका अनुसार जात्रामा साढे ७ सय बढी राँगा बोकाको बलि दिइएको छ । २ सय ५० राँगा र ५ सय बोकाको बलि दिइएको उनले जानकारी दिए ।

मन्दिरमा चैत शुक्ल प्रतिपदाका दिनदेखि नित्य पूजाआजा सुरु भएको थियो । निङ्गलाशैनी भगवती मन्दिरमा चैत शुक्ल अष्टमीका दिन पशु बलिसहित जात्रा हुने गरेको छ । सप्तमीका दिन राँगा बाँध्ने र अष्टमीका पशुबलि दिने चलन रही आएको हो । निङ्गलाशैनी भगवती मन्दिरमा बर्षमा ४ पटक जात्रा लाग्ने गरेको बताइएको छ । दशैंको बेला महाष्टमीका दिन पशुबलिसहित जात्रा हुने निङ्गलाशैनी भगवती मन्दिरमा चैतको महिनाको चैतेदशैंमा पनि जात्रा हुने गरेको छ ।

यस्तै गरेर अनन्त चतुर्दशी र धान्य पूर्णिमाका दिन पनि सो मन्दिरमा जात्रा लाग्ने गर्दछ । निङ्गलाशैनी भगवती मन्दिरमा लाग्ने जात्रामा नेपालका मात्रै नभएर सीमावर्ती भारतीय दर्शनार्थी समेत आउने गरेका छन् । निङ्गलाशैनी भगवती माताको दर्शन गरेमा मनोकामना पूर्ण हुने भएका टाढाबाट दर्शनर्थी आउने गरेका छन्।

प्रकाशित मिति: बुधबार, चैत १५, २०७९ १६:४५

प्रतिक्रिया दिनुहोस्