द.न.पा.का स्वास्थ्य संस्थाहरुलाई ल्यापटप वितरण

प्रदेश समाचार

Home
प्रदेश समाचार
द.न.पा.का स्वास्थ्य संस्थाहरुलाई ल्यापटप वितरण

द.न.पा.का स्वास्थ्य संस्थाहरुलाई ल्यापटप वितरण

बैतडी
बैतडीको दशरथचन्द नगरपालिकाले स्वास्थ्य सस्थाहरुलाई ल्यापटप वितरण गरेको छ । सोमबार नगरपालिकामा आयोजीत एक कार्यक्रमका बीच नगरभित्रका स्वास्थ्य संस्थाहरुलाई ल्यापटप वितरण गरिएको नगरपालिकाका सुचना अधिकारी राजेन्द्र बिष्टले बताए ।

स्वास्थ्य संस्थाहरुले ल्यापटप पाएपछी स्वास्थ्य व्यवस्थापन सूचना प्रणाली(DHIS)र जिन्सी व्यवस्थापन सुचना प्रणाली(LMIS) सहज हुने विश्वास गरिएको छ ।

मासिक रुपमा हुने DHIS र LMIS सम्बन्धी सम्पुर्ण विवरण अब सम्बन्धीत संस्थाबाट नै प्रविष्ट हुन सक्नेछन् भने, स्वास्थ्य संस्था व्यवस्थापन सम्बन्धी सुचना प्रणालीलाई सबल बनाउन मद्धत गर्नेछ ।

ल्यापटप वितरण गर्दै नगरप्रमुख पुष्कर राज जोशी लख्खाभाइले आफ्नो कार्यकालमा सबै स्वास्थ्य संस्थाहरुको आवस्यक भौतिक संरचनाको अभाव हटाउने प्रतिवद्धता व्यक्त गरे ।

उनले भौतिक श्रोतहरुको पुर्ति गर्ने कार्यको सुरुवात ल्यापटप र प्रिन्टर वितरण बाट गरिसकेको बताए । जोशीले सरकारी स्वास्थ्य संस्थाबाट निशुल्क प्रदान गरिने औषधीहरुको परिपुर्ति गर्न स्वास्थ्य साखालाई निर्देशन दिए । नगरभित्र रहेका स्वास्थ्यका सबै युनिटहरुको नियमीत अनुगमन गरि समस्या समाधानका लागी योजना तयार गर्न समेत निर्देशन दिएका छन् ।

खोप कार्यक्रम नियमीत भएपनि बालबालिकाहरुले खोप नलगाएको पाइनु दुःखद भएको भन्दै नगर प्रमुख जोशीले आगामी बैशाख महिना भित्रै जनप्रतिनिधि र स्वास्थ्यकर्मी एकएक व्यक्तिलाई भेटेर पुर्ण खोप प्रदान गर्ने बताए ।

प्रकाशित मिति: सोमबार, चैत २०, २०७९ २२:०६

प्रतिक्रिया दिनुहोस्