बैतडीको पाटन ८ मा लैङ्गिक हिंसा न्युनिकरण सम्बन्धि अन्तरक्रिया कार्यक्रम सम्पन्न

प्रदेश समाचार

Home
प्रदेश समाचार
बैतडीको पाटन ८ मा लैङ्गिक हिंसा न्युनिकरण सम्बन्धि अन्तरक्रिया कार्यक्रम सम्पन्न

बैतडीको पाटन ८ मा लैङ्गिक हिंसा न्युनिकरण सम्बन्धि अन्तरक्रिया कार्यक्रम सम्पन्न

programe antrakiya.jpg

बैतडीको पाटन नगरपालिका–८ मा लैङ्गिक हिंसा न्युनिकरण सम्बन्धि अन्तरक्रिया कार्यक्रम सम्पन्न भएको छ । लैङ्गिक हिंसा न्युनिकरणको क्षेत्रमा काम गर्दै आएका संस्था युएनएफपिए, भिएसओ र पिसविन नेपालको साझेदारीमा बुधबार अन्तरक्रिया कार्यक्रम सम्पन्न भएको हो । जनप्रतिनिधी, सुरक्षाकर्मी सामाजिक अगुवासंग लैंगिक हिंसा न्युनिकरण सम्बन्धि अन्तरक्रिया कार्यक्रम सम्पन्न भएको पिसविन नेपालका कर्मचारी मिरा पन्तले जानकारी दिइन् । लैङ्गिक हिंसा न्युनिकरणका लागि तीन वटै संस्थाको सहकार्यमा विभिन्न कार्यक्रम सञ्चालन गर्दै आएको उनले बताइन् । नगरपालिकाको वडा नम्बर ६ मा दम्पत्ती संवाद कार्यक्रम अन्तर्गत २३ जोडी सहभागी भइ सञ्चालन रहेको जानकारी दिदै यो महिना भित्रै वडा नम्बर ८ मा पनि सञ्चालन गरीने तयारी भैरहेको उनले बताइन् ।

लैङ्गिक हिंसा न्युनिकरणका लागि जोडी संवाद कार्यक्रम प्रभावकारी बन्दै गएको छ । महिला र पुरुष दुवै जनालाई एकै ठाउँमा राखेर लैङ्गिक हिंसा न्युनिकरण सम्बन्धी १० दिन प्रशिक्षण दिने गरीएको उनले जानकारी दिइन् । हाल सम्म नगरपालिकाका वडा नम्बर १, ६, ९ र १० का ७७ जोडी दम्पतीलाई प्रशिक्षण दिइएको छ । उनीहरुलाई लैंगिक हिंसा न्युनीकरण र सामाजिक हानिकारक अभ्यासहरुका बारेमा प्रशिक्षण दिने गरीएको हो ।

jodi sambad1680690264.jpg
वडा कार्यालयमा आयोजना गरीएको लैंङ्गिक विभेदमा आधारीत हिंसा रोकथाम तथा प्रतिकार्य सम्बन्धि अन्तरक्रिया कार्यक्रममा वडा अध्यक्ष हरिश बिष्टले लैंगिक हिंसा न्युनिकरणका लागि आफु सधै प्रतिवद्ध रहेको बताए । लिङ्गका आधारमा हुने हिंसा र हानिकार अभ्यासका न्यूनिकरणका लागि वडाकार्यालय र विभिन्न संघसंस्था संग सहकार्य गरेर जनचेतनामुलक कार्यक्रमहरु पनि भैरहेको जानकारी दिए ।

युएनएफपिए, भिएसओ र पिसविन नेपालले सयुक्त रुपमा लैङ्गिक हिंसा न्युनिकरणका लागि जोडी संवाद संगै धार्मिक अगुवासंग अन्तरक्रिया कार्यक्रम, रुपान्तरण कक्षा, पारीवारिक संवाद लगायतका अन्य विविध अन्तरक्रियातमत्क कार्यक्रमहरु सञ्चालन गर्दै आएको पिसविन नेपालका कर्मचारी मिरा पन्तले बताइन् ।

प्रकाशित मिति: बुधबार, चैत २२, २०७९ १६:०१

प्रतिक्रिया दिनुहोस्