झौलेक जीप दुर्घटनाः मृतकको शव परिक्षणको लागि लगियो, चालक अझै आएनन्

प्रदेश समाचार

Home
प्रदेश समाचार
झौलेक जीप दुर्घटनाः मृतकको शव परिक्षणको लागि लगियो, चालक अझै आएनन्

झौलेक जीप दुर्घटनाः मृतकको शव परिक्षणको लागि लगियो, चालक अझै आएनन्

बैतडी,
बैतडीको पाटन नगरपालिका–८ झौलेकमा जीप दुर्घटना हुँदा मृत्यु भएका ६ जनाको शव पोष्टमार्टमका लागि लगिएको छ । बझाङको वित्थडचिर गाउँपालिका–४ मा रहेको देउलेख स्वास्थ्य चौकीमा पोष्टमार्टमका लागि शव लगिएको हो । जिल्ला प्रहरी कार्यालय बैतडीका प्रमुख प्रहरी नायव उपरिक्षक प्रेम बहादुर शाहीका अनुसार दुबै जिल्लाको प्रशासनसँगको समन्वय गरि पोष्टमाटको लागि देउलेख स्वास्थ्य चौकीमा शव लगिएको हो ।

मृतकका आफन्तले उचित क्षतिपुर्तीको माग राख्दै दिउसो केहिबेर सडक समेत अबरुद्ध गरेका थिए । प्रहरी प्रशासनको रहोबरमा नियमानुसार आवस्यक क्षतिपुर्तीको व्यवस्था गर्ने सहमती बमोजिम शव आफन्तलाई बुझाइएको प्रहरीले जनाएको छ ।

गएराती भारतको पिथौरागडमा मजदुरी गरेर बिसुका लागि फर्किरहेका बझाङको केदारस्युँ गाउँपालिका–५ बाझका ११ जना मजदुर सवार जिप पाटन ८ झौलेकमा दुर्घटना भएको थियो। ६ जनाको घटनास्थलमै मृत्यु भएको हो । ५ जनाले हाम फालेर ज्यान जोगाएका हुन् । जिप सडकबाट ५ सय मिटर तल खसेको थियो।

मृत्यु हुनेमा बझाङको केदारस्युँ गाउँपालिका ५ को बाँझका ६० वर्षीय मने बोहरा, सोही ठाउँका ४२ वर्षीय नरे बोहरा, ३५ वर्षीय गोरख बोहरा, ४५ वर्षीय मान बहादुर धामी, ४५ वर्षीय बिर्ख धामी र ४० वर्षीय बिरे धामीको घटनास्थलमै मृत्यु भएको हो ।

जीप चालक बझाङको केदारस्युँ गाउँपालिका–५ का अर्जुन बोहरा अझै सम्पर्कमा आएका छैन्न ।

प्रकाशित मिति: बुधबार, चैत २९, २०७९ १८:१९

प्रतिक्रिया दिनुहोस्