सुर्नयामा स्वकीय सचिवले बुझेको तलब फिर्ता गर्ने

प्रदेश समाचार

Home
प्रदेश समाचार
सुर्नयामा स्वकीय सचिवले बुझेको तलब फिर्ता गर्ने

सुर्नयामा स्वकीय सचिवले बुझेको तलब फिर्ता गर्ने

Surnaya gaupalika.jpg

बैतडीको सुर्नया गाउँपालिकाले अध्यक्ष र उपाध्यक्षका स्वकीय सचिवलाई हटाउने निर्णय गरेको छ । आइतबार बसेको अध्यक्ष स्तरको बैठेकले उनीहरुको सुविधा बाफतको रकम फिर्ता दाखिला गराउने र उनीहरुलाई अवकास दिने निर्णय गरेको हो । गाउँपालिकाले आइतबार एक विज्ञप्ती जारी गर्दै स्वकीय सचिवहरुलाई सोमबारदेखि लागु हुने गरेर अवकाश दिने निर्णय भएको जनाएको छ ।

गाउँपालिकाले ऐन नियम बिपरीत अध्यक्ष अम्मर बहादुर कुवँर र उपाध्यक्ष मन्जु महरा बोहराका स्वकीय सचिव नियुक्त गरी तलब भत्ता दिएको भन्दै चर्काे आलोचना भएको थियो । गएको पुष १० गते गाउँपालिका अध्यक्ष अम्मर बहादुर कुवँरका स्वकीय सचिवलाई ३४ हजार र उपाध्यक्ष मन्जु महरा बोहराका स्वकीय सचिवलाई ३२ हजार तलब भत्ता उपलब्ध गराउने निर्णय गरेको थियो ।

साउन १ गतेदेखी तलब भत्ता पाउने गरी ११ पुषमा करारमा उनीहरु सम्झौता भएको थियो । राज्यकोषको चरम दुरुपयोग गर्दै पालिकाले नियमविपरीत स्वकीय सचिव नियुक्त गरेको भन्दै चौतर्फी बिरोध भैरहेको छ ।

प्रकाशित मिति: आइतबार, वैशाख १०, २०८० १७:४०

प्रतिक्रिया दिनुहोस्