बैतडीको पुर्चाैडीमा शिक्षा समिति गठन, विद्यालय समायोजनको तयारी

प्रदेश समाचार

Home
प्रदेश समाचार
बैतडीको पुर्चाैडीमा शिक्षा समिति गठन, विद्यालय समायोजनको तयारी

बैतडीको पुर्चाैडीमा शिक्षा समिति गठन, विद्यालय समायोजनको तयारी

हरि साउँद,

पुर्चाैडी: बैतडीको पुर्चाैडी नगरपालिकामा नगर शिक्षा समिति गठन गरिएको छ । नगर प्रमुख दिपक बहादुर बमको संयोजकत्वमा नगर शिक्षा समिति गठन गरिएको हो । नगर शिक्षा समिति गठन गरिएसँगै शैक्षिक कार्यक्रम गर्नको लागि पनि सहज हुने भएको छ ।
शिक्षा समिति गठन गरिएसँगै विद्यालयको तह समायोजन र शिक्षक दरबन्दी मिलानको प्रक्रिया थाल्ने तयारी भइरहेको छ ।
बिहिबार बसेको नगर कार्यपालिकाको बैठकबाट विद्यालयको तह समायोजनाका विषयमा नगर शिक्षा समितिले विद्यालय अनुगमन गर्ने र प्राप्त प्रतिबेदनको आधारमा विद्यालयको तह समायोजन र दरबन्दी मिलानको प्रक्रिया थालिने नगरपालिकाले जनाएको छ ।
बिहिबार बसेको कार्यपालिकाको बैठकले पुर्चाैडीमा सशस्त्र प्रहरीको वेस क्याम्प स्थापनको लागि सरकारसँग माग गर्ने पनि निर्णय गरिएको छ।
यसैगरी सोही कार्यपालिका बैठकबाट पुर्चाैडीमा विस्तापित भएको कृषि विकास बैंकको पुनस्थापनाको लागि माग गर्ने पनि निर्णय भएको हो ।
पुर्चाैडीमा नगरपालिकामा हालै प्रमुख प्रशासकीय अधिकृतको जिम्मेवारीमा आउनु भएका भानुभक्त भट्टको स्वागत समेत गरिएको थियो ।

प्रकाशित मिति: बिहीबार, वैशाख २१, २०८० १७:१६

प्रतिक्रिया दिनुहोस्