बैतडी,
बैतडीको पाटन नगरपालिका १० स्थित सरस्वती मावि सल्लेबासाको ६४ औँ वार्षिकोत्सव कार्यक्रम सम्पन्न भएको छ । विभिद कार्यक्रकासाथ शुक्रबार वार्षिकोत्सव कार्यक्रम सम्पन्न भएको हो ।
विद्यालय व्यवस्थापन समितिका अध्यक्ष धर्मराज भट्टको सभाध्यक्षतामा सम्पन्न वार्षिकोत्सव कार्यक्रममा प्रमुख अतिथि प्रदेशसभा सदस्य सुरेन्द्र पाल रहनु भएको थियो ।
विशिष्ट अतिथिमा जिल्ला समन्वय समितिका सदस्य एवं विद्यालय व्यवस्थापन समिति महासंघका केन्द्रिय उपाध्यक्ष प्रेम सिंह भाट, पाटन नगरािलिका १० का वडा अध्यक्ष एवं पाटन नगरपालिकाका आर्थिक विकास समिति संयोजक धन बहादुर कुवँर, वडा नं ८ का वडा अध्यक्ष एवं नगरपालिकाका सामाजिक विकास समिति संयोजक हरिश बिष्ट, वडा नं ९ का वडा अध्यक्ष कालु सिंह भाट लगायतका बिभिन्न विद्यालयका शिक्षक तथा विव्यस पदाधिकारी, विद्यार्थी तथा अभिभावकहरुको उपस्थिती रहेको थियो ।
विद्यालयका प्रद्यानाध्यापक लोकराज भट्टले ८४ लाख १२ हजार ९५६रुपैया बराबरको आर्थिक आयव्यय प्रस्तुत गर्नु भएको थियो ।
विद्यालय व्यवस्थापन समितिका अध्यक्ष धर्मराज भट्टले विद्यालयको सर्वाङ्गिण विकासको लागि सबै पक्षले सहयोग गर्नुपर्ने बताए । विद्यालयको भौतिक तथा शैक्षिक योजना बनाएर विद्यालयको विकासका लागि आफुहरु लागीपरेको समेत भट्टले जानकारी गराए ।
विद्यालय क्षेत्रको विकासका लागि अभिभावक र विद्यालय प्रशासनको समन्वयमा शिक्षामा परिवर्तन गर्न सकिने भएकाले सबैले जिम्मेवार बन्नुपर्ने पाटन १० का वडा अध्यक्ष कुवँरले बताए ।
पाटन नगरपालिकाले शिक्षाको क्षेत्रमा परिवर्तनका लागि केहि आवस्यक प्रक्रिया अघि बढेको भएपनि राजनितिक हस्तक्षेप भइरहेको पाटन नगरपालिकाका सामाजिक विकास समिति संयोजक बिष्टले बताए । ‘हामि विद्यालय मर्ज तथा समायोजना गरिरहेका छौँ, सबैसँग सुझाव सल्लाह लिएर आएका छौँ, अभिभावकहरुको सल्लाह लिएका छौँ, सोहि सुझाव र सल्लाहका आधारमा आवस्यक निति बनाएर विद्यालयको तह समायोजन गरीरहेका छौँ,’ विष्टले भने । पाटन नगरपालिकामा धेरै विद्यालय राम्रो स्थितीमा रहेकाले सबै विद्यालयको विकासका लागि नगरपालिकाले आवस्यक कार्यहरु गर्ने उनले बताए । नगरपालिकाले यस वर्षलाई शैक्षिक वर्षको रुपमा घोषणा गरेकाले आगामी आर्थिक वर्षमा थप कार्यक्रम कार्यान्वयन गरिने उनले बताए ।
सरस्वती माविमा नायँ शैक्षिक सत्रदेखि नयाँ शिक्षकहरुका पनि पदपुर्ती भएकाले शैक्षिक गतिबिधि अघि बढाउन सहज भएको छ । विद्यालयले वार्षिकोत्सव कार्यक्रममा ज्येष्ठ नागरिक, भूतपुर्व शिक्षक, विद्यालयलाई सहयोग प्रदान गरेका अभिभावकहरुलाई सम्मान समेत गरेको थियो ।
बिभिन्न दाताहरुबाट प्राप्त भएको शैक्षिक सामाग्रीहरु पनि लक्षित विद्यार्थीहरुलाई वितरण गरिएको थियो ।
