बैतडीका पाटन नगरपालिका ८ का वडा अध्यक्ष हरिश बिष्टले आफ्नो पारीश्रमिकबाट वडाभित्रका गरिब, असाहाय, टुहुरा र अनाथ बालबालिकाहरुलाई आर्थिक सहयोग गरेका छन् । शैक्षिक सामाग्री खरिद गर्नको लागि उनले आफ्नो पारीश्रमिकबाट वडाका ७ टुहुरा बालबालिकाहरुलाई २ हजार ५ सयका दरले आर्थिक सहयोग गरेका हुन् ।
जनता माविको वार्षिकोत्सव कार्यक्रममा उनले बालबालिकाहरुलाई सहयोग रकम हस्तान्त्रण गरेका हुन् । पाटन नगरपालिकाका उपप्रमुख कमल सिंह बोहराद्वारा सहयोगरकम हस्तान्त्रण गरिएको थियो ।
वडा अध्यक्ष बिष्टले निर्वाचित भएपछि पहिलो वडा कार्यसमितिको बैठकमा आफुले पाउने पारीश्रमिकबाट वार्षिक रुपमा एक महिनाको पारीश्रमिक टुहुरा, अनाथ र असहाय बालबालिकाहरुलाई प्रदान गर्ने घोषणा सहित निर्णय गरेका थिए । सोही अनुरुप बालबालिकाहरुलाई सहयोग रकम हस्तान्त्रण गरिएको हो ।
