महिला अधिकार दिवसको अवसरमा “गणतन्त्रमा महिला” बिषयक अन्तरक्रिया

प्रदेश समाचार

Home
प्रदेश समाचार
महिला अधिकार दिवसको अवसरमा “गणतन्त्रमा महिला” बिषयक अन्तरक्रिया

महिला अधिकार दिवसको अवसरमा “गणतन्त्रमा महिला” बिषयक अन्तरक्रिया

बैतडी।
पाचौँ राष्ट्रिय महिला अधिकार दिवस बैतडीमा पनि मनाइएको छ । अखिल नेपाल महिला संघ बैतडीले दिवसको अवसरमा गणतन्त्रमा महिला बिषेयक अन्तरक्रिया गरेको छ ।

संघका जिल्ला अध्यक्ष पावर्ती कार्कीको अध्यक्षतामा भएको कार्यक्रमका प्रमुख अतिथी संघका स्थाई कमिटी सदस्य सरस्वती नेपाली रहेकी थिइन् ।

अन्तरक्रियाका सहभागीहरुले महिलाका अधिकार अझै सुनिश्चीत नभएको बताएकाछन् । कोटा तोकिएका सरकारी निकायहरुमा समेत महिलाको अर्थपुर्ण रुपले सहभागी नगराइएको पुर्चौडीकी मथुरा अवस्थीले बताइन् । महिलाका अधिकारका लागि अझै महिलाहरु संगठीत हुनुपर्ने आवश्यकता रहेको उनले बताइन् ।

अधिकांश महिलाहरु पितृ सत्तात्मक सोचका कारण पीडामा परेको अनेम संघका स्थाई कमिटी सदस्य सरस्वती नेपालीले बताइन् । उनले नेपालमा बनेका निति निउम कानुनको पुर्ण रुपले परिपालना भएमा महिला हिंसा सहित सबै प्रकारका हिंसाहरु न्युनिकरण हुने बताइन् । महिलाका अधिकारका लागि अझै महिलाहरु संगठीत हुनुपर्ने आवश्यकता रहेको उनको भनाई छ ।

संघका जिल्ला अध्यक्ष पार्वती कार्कीले महिलाका अधिकार संविधानमा उल्लेख गर्नमा अखिल नेपाल महिला संघको महत्वपुर्ण भुमिका रहेको बताइन् । निवर्तमान राष्टपती विद्यादेवी भण्डारीको सक्रियतामा सञ्चालन गरिएको अभियानका कारण महिलाका अधिकारले संविधानमा स्थान प्राप्त गरेको उनको भनाई छ । महिला अधिकार दिवस, श्रमिक महिला दिवस लगायतका दिवसहरुमा महिलाका हकहितका कुराहरु गरिने हुदाँ यी दिवसहरुलाई सबै महिलाहरुले आफ्नो प्रमुख दिनका रुपमा मनाउनुपर्ने उनको भनाई छ ।

राष्ट्रिय महिला अधिकार दिवस महिलाका लागि विभेदकारी कानुनहरुको अन्त्य भएको दिनको अवसरमा मनाइन्छ । २०७६ जेठ १६गतेका दिन ३३प्रतिशत महिला सहभागीता सुनिश्चीत भई आमा र बुवाको नामबाट नागरिकता पाउने अधिकार संसदबाट पारीत भएको थियो ।

प्रकाशित मिति: मंगलबार, जेठ १६, २०८० १५:०८

प्रतिक्रिया दिनुहोस्